ATƏT DTİHB-nin Azərbaycanda missiyasının proqramı və tərkibi
ATƏT-in Demokratik Təsisatlar və İnsan Haqları Bürosu Azərbaycanda prezident seçkilərinin monitorinq proqramını və müşahidə missiyasının tərkibini açıqlayıb.
ATƏT-in məlumatına görə, proqramda qeyd olunub ki, əsas heyətə missiyanın rəhbəri italyan Tana de Zulueta, missiyanın rəhbərinin köməkçisi danimarkalı Harald Hartvig Jepsen, rusiyalı politoloq Vadim Zhdanoviç, ispanyalı seçki analitiki Adolfo Cayuso Martinez, moldovalı seçki analitiki Pavel Cabacenco, amerikalı hüquq üzrə analitik Megan McCabe Fitzgerald, almaniyalı media analitiki Elma Şehalic, serbiyalı uzunmüddətli müşahidəçilərin koordinatoru Maşa Yanyuşeviç, polşalı əməliyyat mütəxəssisi Pavel Kristof Jurczak, moldovalı təhlükəsizlik mütəxəssisi Valeriu Mija, serbiyalı parlament əlaqələndiricisi Saşa Pokrayaç, gürcüstanlı təchizat və podratçılıq üzrə menecer Lela Tsaava, moldovalı maliyə meneceri Roman Railean daxildir.
Tana de Zuluetanın rəhbərlik etdiyi 13 beynəlxalq ekspertdən ibarət uzunmüddətli missiyanın mənzil-qərargahı Bakıda yerləşəcək, 30 müşahidəçi isə regionlara göndəriləcək.
ATƏT DTİHB-in qısamüddətli missiyasının tərkibinə 280 müşahidəçi daxil olacaq.
Proqrama əsasən uzunmüddətli müşahidəçilər sentyabrın 9-da, qısamüddətli müşahidəçilər isə oktyabrın 5-də Bakıya gələcəklər. Uzunmüddətli müşahidəçilərin ölkə üzrə bölüşdürülməsi sentyabrın 11-nə, qısamüddətli müşahidəçilərin ölkə üzrə bölüşdürülməsi isə oktyabrın 7-nə planlaşdırılıb.
Seçkilərdən bir gün sonra, oktyabrın 10-da ATƏT DTİHB-in missiyası mətbuat konfransı keçirərək ilkin müşahidələrin nəticələrini açıqlayacaq. Qısamüddətli missiya Azərbaycanı oktyabrın 11-də, uzunmüddətli missiya isə oktyabrın 15-də tərk edəcək.
Xatırladaq ki, ATƏT DTİHB 1995-ci ildən Azərbaycanda 8 seçkini, o cümlədən 2008-ci il prezident seçkilərini müşahidə edib.-16D-
Siyasət
-
Sentyabrın 17-də Avropa Şurası Nazirlər Komitəsi Azərbaycan da daxil olmaqla, Avropa Şurasına üzv dövlətlərin Avropa Məhkəməsinin qərarlarını necə icra etməsi məsələsinə baxmaq üçün rüblük görüşünə başlayır.
-
Azərbaycan Respublikası Hesablama Palatasının ciddi qanunsuz fəaliyyət aşkar edən araşdırmalarından sonra Dənizkənarı Bulvar İdarəsinin keçmiş vəzifəli şəxslərinə qarşı cinayət işi açılıb. Hazırda Baş Prokurorluğun Korrupsiyaya qarşı Mübarizə İdarəsinin nəzarəti altında olan iş 2021-2023-cü illərdə külli miqdarda mənimsəmə və vəzifə səlahiyyətlərindən sui-istifadə ittihamları ilə bağlıdır.
-
Hacıqabul Rayon İcra Hakimiyyətinin başçısı Rüstəm Xəlilov tutduğu vəzifəsindən azad olunaraq Salyan Rayon İcra Hakimiyyətinin başçısı təyin edilib.
-
Ukraynadakı müharibəyə göndərilmək üçün Çeçenistanda saxlanılan Azərbaycan vətəndaşları əmək miqrantlarıdır. Bu barədə onlardan birinin - Nihad Rzayevin atası Tapdıq Rzayev bildirib.
Rəy yaz