“Bizim vəzifəmiz tənqid deyil, seçkilərin monitorinqidir”, bu barədə bugünki mətbuat konfransında ATƏT DTİHB-nin Azərbaycan prezident seçkilərində müşahidə missiyasının rəhbəri Tanda de Zulueta bildirib.
Onun sözlərinə görə, missiya seçkilərin beynəlxalq standartlara və demokratiya normalarına, habelə Azərbaycanın ATƏT qarşısında götürdüyü öhdəliklərə uyğunluğunu müşahidə edəcək.
Onun sözlərinə görə, missiya avqustun 29-dan öz işinə başlayıb və seçki kampaniyasının gedişatını, MSK-nın işini, KİV-də seçkilərin işıqlandırılmasını və s. izləyəcək.
O, həmçinin qeyd edib ki, missiya müşahidəçiləri ölkənin bütün regionlarına göndəriləcək.
Müxalifətin əsas namizədi Rüstəm İbrahimbəyovun qeydiyyata alınmamasına münasibət bildirməsi xahişinə cavabda missiya rəhbəri bildirib ki, MSK imtinanı İbrahimbəyovun ikili vətəndaşlığı ilə əsaslandırıb.
O qeyd edibki, missiya hadisələrin gedişatını diqqətlə izləyəcək.
Xatırladaq ki, Tana de Zuluetanın rəhbərlik etdiyi uzunmüddətli missiyanın tərkibinə 13 nəfər daxildir. Daha 30 nəfər regionlara göndəriləcək.
ATƏT-in qısamüddətli missiyasının tərkibinə 280 nəfər daxil olacaq.
ATƏT DTİHB 1995-ci ildən etibarən Azərbaycanda 8 seçkinin, o cümlədən prezident və parlament seçkilərinin monitorinqini həyata keçirib. -16D-
Siyasət
-
Vəkil Fəxrəddin Mehdiyev bildirib ki, məhkəmənin hökmü ilə Əhsən Nuruzadə 2 ay müddətinə inzibati həbs edilib. Eyni zamanda həbsdə qalma müddəti nəzərə alınaraq, iki gün azaldılıb.
-
Klassik Xalq Cəbhəsi Partiyası COP29 ərəfəsində həbsdəki jurnalistlər və ictimai fəalların azad olunması üçün Azəbaycan hakimiyyətinə müraciət edib.
-
"X" sosial şəbəkəsində İranın dili lideri Əli Xameneinin Azərbaycan dilindəki hesabı (@az_Khamenei) bloklanıb. Bir müddət sonra səhifə açılıb, lakin bütün abunəçilər silinib. Bu gün səhifənin cəmi üç abunəçisi var.
-
Aİ parlament seçkilərindən əvvəl baş verən hadisələri diqqətlə izləyir. Son aylarda Gürcüstan xalqı demokratik dəyərlərə və ölkənin Aİ-yə inteqrasiya yoluna sadiqliyini nümayiş etdirib.
Rəy yaz