![Harlem Désir](https://turan.az/resized/media/2018/main/081000012352-750-500-resize.webp)
Harlem Désir
ATƏT-in Media Ofisinin rəhbəri Azərbaycanda saytların bloklanmasından narahatdır
Bakı/11.08.18/ATƏT-in Media Ofisinin rəhbəri Azərbaycanda saytların bloklanmasından narahatdır.18Turan: ATƏT-in Media Ofisinin rəhbəri Harlem Desir Azərbaycan hökumətinə müraciət edib. Müraciətdə xəbər saytlarının böhtan əsası ilə bloklanmasından narahatlıq ifadə olunub.
Bu barədə ATƏT-in press-relizində bildirilir.
Avqustun 7-8-də Nəqliyyat, Rabitə və Yeni Texnologiyalar Nazirliyinin xahişi ilə Bakıda rayon məhkəmələri dörd xəbər saytını: az24saat.org, xural.com, arqument.az və monitortv.info bloklaşdırmağa qərar verib.
"Saytlara girişin xüsusilə son dərəcə mübahisəli olan böhtan iddiaları ilə əngəllənməsi tənqidi səslərin qarşısını ala biləcək həddini aşan bir tədbirdir", Halem Desirin açıqlamasında bildirilir.
"Medianı təsirləndirən hər hansı məhdudlaşdırıcı tədbirlər hüquqi baxımdan aydın, dəqiq, ayrı seçici olmayan meyarlara söykənən beynəlxalq standartlara uygun olduqda haqlı hesab edilə bilər. Belə olmadığı təqdirsə, məhdudlaşdırıcı tədbirlər media və ifadə azadlığı ilə bağlı olan başqa hüquqlara da zərər vuracaqdır", açıqlamada daha sonra vurğulanır.
Sənəddə həmçinin daha əvvəl - 2017-ci ildə Azadlıq qəzetinin, AzadlıqRadiosunun internet saytlarının, Azərbaycan Saatı proqramlarının, Meydan TV və Turan TV-nin blok edilməsinə də toxunulur.
Halem Desir müraciətində Bastainfo.com, Criminalaz.com, Topxeber.az ve Fia.az internet saytlarının, APA agentliyinin qapadılmasını da narahatlıq doğuran hal kimi qeyd edib.
"Hökumət rəsmilərini əngəllənmiş bütün saytlara girişi bərpa etməyə və ifadə azadlığı hüququna təsir edən qanun və qaydaları islahat etməyə çağırıram", ATƏT-in Media Ofisinin rəhbəri müraciətinin sonunda vurğulayıb.-06D--
-
- Cəmiyyət
- 10 Avqust 2018 19:48
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz