ATƏT-in Minsk Qrupunun həmsədrləri Azərbaycan və Ermənistan prezidentlərinin görüşünü hazırlayır

ATƏT-in Minsk Qrupunun həmsədrləri İqor Popov (Rusiya), Jak For (Fransa) və Yen Kelli (ABŞ) mayın 23-24-də Azərbaycanla Ermənistana səfər zamanı prezidentlər İlham Əliyev və Serj Sarkisyanla bu il ərzində onların görüşünün keçirilməsinin mümkünlüyünü müzakirə ediblər. Bu barədə həmsədrlərin mayın 24-də axşam yaydıqları bəyanatda deyilir.

Həmsədrlər Ermənistan-Azərbaycan münaqişəsinin nizamlanması üzrə dinc prosesin irəliləməsi üçün ideyaları öyrənməyə hazır olduqlarını bildiriblər, gərginliyi artıra biləcək və ya danışıqlara xələl gətirə biləcək hərəkətlərə və ritorikaya yol verməməyin vacibliyini bir daha bəyan ediblər.

Onlar münaqişənin həllinə qarşılıqlı məqbul yanaşmanı öyrənmək üçün yaxın həftələrdə xarici işlər nazirləri ilə görüşəcəklər.

Xatırladaq ki, Azərbaycan və Ermənistan prezidentləri sonuncu dəfə 2011-ci ilin iyununda Kazanda görüşüblər.—06D--

 

Rəy yaz

Siyasət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Bizi sosial şəbəkələrdə izləyin

Xəbər lenti