Naxçıvanda Qarabağ veteranları evlərindən çıxarılır

Naxçıvanda 9 istefada olan hərbiçi, Qarabağ müharibəsi veteranı ailəsi hərbi şəhərcikdəki evlərindən zorla köçürülmək təhlükəsi ilə üz-üzədir.

Bu ailələrdən birinin başçısı Abdulla Orucovun Turan-ın müxbiri ilə söhbətdə verdiyi məlumata görə, iki il əvvəl şəhər hakimiyyəti Naxçıvanın mərkəzində hərbi şəhərciyin sakinlərini köçürməyə və evləri sökməyə başlayıb. Orada ümumilikdə 67 ailə yaşayırdı. Çoxları təzyiqə tab gətirməyərək, mənzilləri tərk ediblər.

Lakin 9 ailə evlərini tərk etməkdən imtina edib. Onlara qarşı Müdafiə Nazirliyinin Mənzil İstismar İdarəsi məhkəmə iddiaları qaldırıb, baxmayaraq ki, vətəndaşların mülki hakimiyyətdən aldıqları orderi var idi, 2 ailə isə hətta mənzili özəlləşdirmişdi.

Məhkəmələr sakinlərin əleyhinə qərar çıxarıb. Lakin Azərbaycan Ali Məhkəməsi 29 aprel tarixli qərarında Naxçıvan icra hakimiyyətinin üzərinə vətəndaşları alternativ mənzillə təmin etmək öhdəliyi qoyub.

Lakin veteranlara Naxçıvandan 15 km məsafədə boş ərazidə hər birinə 6 sot torpaq sahəsi təklif olunur. Vətəndaşlar mənzilləri boşaltmaqdan imtina edir. Bu zaman hakimiyyət elektrik, qaz və suyu kəsərək, onları hər yolla sıxışıdırır.

Veteran ailələri polisin mənzilləri tərk etmək tələbini yerinə yetirməkdən imtina edərək, polisin buna hüququ olmadığını iddia ediblər. Cümə günü onlara məhkəmə icraçılarından hansısa möhürsüz və tarixsiz icra vərəqəsi göstəriblər.

Bu zaman sakinlər şənbə günü onlar məhkəmə icraçıları və Ədliyyə Nazirliyinin əməkdaşları tərəfindən məcburi qaydada köçürüləcək. Lakin veteranlar sona qədər müqavimət göstərmək niyyətindədirlər, deyə Orucov bildirib. -06D-