ATƏT-in Minsk Qrupunun XİN rəhbərlərinin Azərbaycan və Ermənistan prezidentlərinin görüşü barədə bəyanatı

Vyanada Azərbaycan və Ermənistan prezidentlərinin görüşünün yekunları ilə bağlı Rusiya, ABŞ və Fransa XİN rəhbərləri bəyanatla çıxış ediblər. Bəyanatda deyilir ki, həmsədrlər hesab edirlər ki, “münaqişənin hərbi yolla həlli yoxdur və 1994-95-ci illərdə əldə olunmuş atəşkəs haqqında sazişə hörmətlə yanaşılmasına təkid edirlər”.

“Prezidentlər atəşkəs rejiminə və münaqişənin dinc yolla nizamlanmasına sadiq olduqlarını təsdiqləyiblər.

Gələcək zorakılıq risklərinin azaldılması üçün onlar yaxın vaxtlarda ATƏT-in araşdırma mexanizminin başa çatdırılmasına razılaşıblar.

Həmçinin prezidentlər ATƏT-in hazırki sədrinin şəxsi nümayəndəsinin ofisinin genişləndirilməsi barədə razılaşıblar.

Nəhayət, onlar Qırmızı Xaç Komitəsinin himayəsilə itkin düşənlərin haqqında məlumat mübadiləsinin aparılmasına razılaşıblar.

Prezidentlər razılığa gəliblər ki, hərtərəfli nizamlanmaya dair danışıqların bərpası məqsədilə iyunda tərəfləri qane edəcək yerdə danışıqların növbəti raundu keçirilsin. -02D-