Sergey Lavrov Vyana görüşünün yekunları barədə

Vyanada Dağlıq Qarabağ  üzrə danışıqların iştirakçıları 1994-1995-ci illər razılaşması formatında regionda atəşkəsə əməl olunması barədə razılıq əldə ediblər. Bu barədə Rusiyanın xarici işlər naziri Sergey Lavrov ATƏT-in Minsk Qrupunun həmsədr ölkələrinin (Rusiya, ABŞ, Fransa) xarici siyasət idarələrinin rəhbərlərinin vasitəçiliyi ilə keçirilən Azərbaycan və  Ermənitan prezidentlərinin danışıqlarının yekunları iə bağlı bildirib.

“Ötən yüzilliyin 94-95-ci illərində əldə olunmuş razılaşma formatında atəşkəsə əməl edilməsinə nail olunması barədə razılıq əldə olundu və bu  haqda birgə bəyanatda deyiləcək”, - o bildirib.

Ermənistan və  Azərbaycan tərəfləri kompromis axtarışına yönəlib, Lavrov qeyd edib.

“Belə düşünməyə əsasımız var ki, Ermənistan və Azərbaycan tərəfləri kompromis əldə etmək əhval-ruhiyyəsindədir.  Biz buna yardım edəcəyik”, - o vurğulayıb.

Lavrov bildirib ki, görüşdə “iyunda Azərbaycan və Ermənistan prezidentlərinin növbəti görüşün vaxtını və yerini müəyyənləşdirməsi  barədə razılıq əldə edilib. Həmin görüşdə Qarabağ probleminin yekun nizamlanmasının parametrlərinin razılaşdırılması üzrə iş davam etdiriləcək”.-0-