«Hüquqlar naminə idman» koalisiyası Formula 1 yarışlarına qədər siyasi məhbusların azad edilməsinə çağırır

“Hüquqlar naminə idman” şüarı altında birləşən beynəlxalq QHT koalisiyası Azərbaycan hökumətini ədalətsiz olaraq həbs edilən fəal və jurnalistlərin iyunun 17-19-da Bakıda keçiriləcək Formula 1 yarışları ərəfəsində azadlığa buraxılmasına çağırıb.

“Formula 1 rəhbərliyinin Azərbaycan hökumətini  Bakı Qran Prisi ərəfəsində insan hüquqlarının vəziyyətinin yaxşılaşdırılmasına dair konkret addımlar atmağa çağırmaq imkanları var”, - Human Rights Watch təşkilatının direktor müavini Ceyn Byukenen bildirib.

Koalisiya beynəlxalq idman təşkilatlarını böyük idman tədbirləri keçirən ölkələrdə insan hüquqlarına zəmanət verilməsinə nail olmağa çağırır.

Son illər Azərbaycan hökuməti jurnalistlərin, KİV və müstəqil fəalların hüquqlarını sistematik olaraq pozur. Tanınmış jurnalist Xədicə İsmayılova və müxalifətçi İlqar Məmmədov daxil olmaqla onlarla adam həbs edilib.

Həmçinin hökumət onu tənqid edən çoxsaylı QHT-ni öz fəaliyyətini dayandırmağa məcbur edib.

Koalisiya Formula 1-in direktoru Bernar Ekklstouna məktubda onu Azərbaycanda insan hüquqlarının pozulmasını  pisləməyə və əsassız olaraq mühakimə edilənlərin azadlığa buraxılmasına çağırmağa səsləyir.

Əsasən  koalisiya Ekklstounu Azərbaycan hakimiyyətini aşağıdakılara çağırıb:

* Xədicə İsmayılova, İlqar Məmmədov, həmçinin jurnalist Seymur Həzi və bloger İlkin Rüstəmzadə qeyd-şərtsiz azadlığa buraxılsın;

* Müstəqil jurnalistlərə və fəallara qarşı məhkəmə təqiblərinə son qoyulsun;

* Müstəqil təşkilatların işinə ədalətsiz müdaxilələrə son qoyulsun;

* Bakı Qran Prisində iştirak edən jurnalistlərə maneəsiz iş şəraitinin yaradılması təmin edilsin.-02D-