ATƏT Parlament Assambleyasının demokratiya və insan hüquqları komitəsinin rəhbəri İzabel Santos hüquq müdafiəçisi Emin Hüseynovun ölkədən çıxışına icazə verilməsilə bağlı Azərbaycan hakimiyyətinin qərarını alqışlayıb.
ATƏT PA-nın bəyanatında bununla bağlı deyilir ki, ATƏT bu cür addımların davamını gözləyir.
“Bu, yaxşı xəbərdir. Mən bunu mümkün edən İsveçrə hökumətinin qətiyyətini alqışlayıram. Lakin həm də kədərli gündür, belə ki, vətəndaş cəmiyyətinin liderləri hakimiyyətin təzyiqlərinə görə ölkəni tərk etməyə məcbur olurlar.
Ümid edirəm ki, bu, sadəcə Avropa Oyunlarının açılışı ilə əlaqədar Azərbaycan hökumətinin jesti olmayacaq, insan hüquqları ilə bağlı vəziyyətdə fundamental dəyişikliklər üçün başlanğıc olacaq.
Azərbaycan ATƏT qarşısında öz öhdəliklərinə ciddi yanaşmalıdır və İntiqam Əliyev, Xədicə İsmayılova, Rəsul Cəfərov. Anar Məmmədli və Leyla Yunus daxil olmaqla siyasi məhbusları azad etməyə başlamalıdır”, - İ.Santos bildirib.
Xatırladaq ki, Emin Hüseynov həbsindən ehtiyatlanaraq 10 aydır ki, İsveçrənin Bkıdakı səfirliyinə gizlənmişdi. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz