![ATƏT XİNŞ-in iclasında Qarabağ nizamlanması müzakirə olunacaq](https://turan.az/resized/media/2012/main/120500020399-750-500-resize.webp)
ATƏT XİNŞ-in iclasında Qarabağ nizamlanması müzakirə olunacaq
Dekabrın 6-da Dublində açılan ATƏT Xarici İşlər Nazirləri Şurasının (XİNŞ) 19-cu iclasında gündəliyə əsasən narkotik maddə və insan alverinə, kibercinayətkarlığa qarşı mübarizə, insan hüquqlarına əməl olunması məsələləri daxil olacaq. Turan-ın xüsusi müxbirinin Dublindən verdiyi məlumata görə, bu barədə iclas ərəfəsində ATƏT-in mətbuat katibinin səlahiyyətlərini icra edən Frane Maroeviç bildirib.
Onun sözlərinə görə, iclasda həmçinin ATƏT məkanında münaqişələr, o cümlədən Qarabağ nizamlanması müzakirə olunacaq.
F.Maroeviç deyib ki, Azərbaycan və Ermənistan XİN rəhbərlərinin görüşünün olub-olmayacağı barədə məlumata malik deyil. İclas haqda ümumi məlumata toxunaraq xatırladıb ki, tədbirdə ATƏT ölkələrindən 50-dən çox XİN rəhbəri və onların müavinləri iştirak edəcəklər.
F.Maroeviç qeyd edib ki, hazırda ATƏT üzvü olan 57 ölkənin nümayəndələri XİNŞ-də qəbul olunması nəzərdə tutulan ayrı-ayrı sənədlərin və bəyanatların üzərində işləyirlər. Eyni zamanda o, qəbul ediləcək sənədlərin sayını açıqlamağa çətinlik çəkib, belə ki, “sənədlər daim artır”.
F.Maroeviç qeyd edib ki, ATƏT-in hazırkı sədri qəbul olunan sənədlərinin sayına yox, onların keyfiyyətinə və əhəmiyyətli olmasına tərəfdardır.
Qarabağ münaqişəsinin müzakirəsinə qayıdan F.Maroeviç deyib ki, İrlandiya sədrliyi bu məsələyə “xüsusi diqqət” yetirir. İrlandiya münaqişənin nizamlanması ilə bağlı öz təcrübəsini bölüşməyə və beləliklə, ATƏT məkanında münaqişələrin nizamlanması işinə öz töhfəsini verməyə çalışır. –04C--
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz