Məhkəmə yenə Müsavat fəalı Nigar Yaqublunu həbsdən azad etməkdən imtina etdi

Bu gün Abşeron rayon məhkəməsində Müsavat Partiyasının gənc fəaı Nigar Yaqublunun işi üzrə proses davam etdirilib.

O, avqustun 25-də Müsavat Partiyasının məclis üzvü Aydın Acalovun ölümü ilə nəticələnən YNH haqqında iş üzrə ittiham olunur.

Bugünki iclasda günün ilk yarısında ittiham tərəfin şahidləri, əsasən polis əməkdaşları çıxış ediblər.

Fasilədən sonra təqsirləndirilən şəxsin atası, Müsavat Partiyasının sədr müavini Tofiq Yaqublu çıxış edib.

O bildirib ki, qəzadan sonra qızı “Siti hospital”da müalicə alırdı və ifadə verəcək vəziyyətdə deyildi. Klinikadan müvafiq tibbi arayış istintaqa təqdim edilib.

Vəkil Adil İsmayılov öz növbəsində Yaqublunun ailə üzvlərinin telefon danışıqlarının dinlənilməsi vasitəsilə əldə edilmiş dəlilləri iş materiallarından çıxarmağı təklif edib, belə ki, bu dəlillər məhkəmənin icazəsi olmadan qanunsuz əldə olunub.

Vəkil həmçinin N.Yaqublunun şifahi çağırışlar əsasında istintaqa gəlməməsilə bağlı ittihamların əsassız olduğunu qeyd edib. Buna görə o, Yaqublunun guya istintaqdan yayınma iddiaları əsasında həbsdə saxlanılmasını əsassız hesab edir.

Hakim yenə həbs qətimkan tədbirini dəyişdirməkdən imtina edib.

Proses dekabrın 7-də davam etdiriləcək. -06D-