![Avropa İttifaqı Azərbaycanda insan hüquqları və KİV azadlığı sahəsində vəziyyətdən narahatdır](https://turan.az/resized/news/2024/MZwEJMtJWb9SZ4zOE7QIDSIv093MKpRJw9iftu7W-750-500-resize.webp)
Avropa İttifaqı Azərbaycanda insan hüquqları və KİV azadlığı sahəsində vəziyyətdən narahatdır
Avropa İttifaqı Azərbaycanda insan hüquqları və KİV azadlığı sahəsində vəziyyətdən narahatdır
Avropa İttifaqı Azərbaycanda jurnalistlərin və siyasi fəalların həbsi ilə bağlı sonuncu faktları necə qiymətləndirir? "Amerikanın Səsi" radiosunun Azərbaycan xidmətinin bu sorğusuna cavabda Avropa İtifaqının Xarici Siyasət və Təhlükəsizlik Siyasəti Xidmətinin spikeri Piter Stano belə cavab verib:
"Fikri ifadə etmək azadlığı və müstəqil KİV-lər hər yerdə və hamı üçün tətbiq olunan universal dəyərlərdir. Azərbaycanda insan hüquqları sahəsində vəziyyət və müstəqil KİV-lərin vəziyyəti bizim dəfələrlə azərbaycanlı həmkarlarımız qarşısında qaldırdığımız narahatlıq doğuran məsələ olaraq qalır.
Biz Azərbaycanı KİV azadlığı və insan hüquqları ilə bağlı daxili və beynəlxalq öhdəliklərinə riayət etməyə çağırmaq üçün istənilən fürsətdən istifadə edirik. 21 dekabr 2023-cü il tarixində verdiyimiz bəyanatda da bunu qeyd etdik.
İnsan hüquqları və qanunun aliliyinə hörmət Avropa İttifaqının Azərbaycanla münasibətlərinin əsasını təşkil edir. Aİ hesab edir ki, ədalətli məhkəmə təhqiqatı və lazımi hüquqi prosedur hüququ da daxil olmaqla, əsas hüquqlara hörmət sabitlik və firəvanlıq üçün böyük əhəmiyyət kəsb edir.
Aİ insan hüquqları üzrə illik Aİ-Azərbaycan dialoqu da daxil olmaqla, Azərbaycanda insan hüquqları sahəsində vəziyyətin inkişafı ilə bağlı məsələləri qaldırmaq fürsəti verilən bütün forumlarda iştirak etməyə davam edəcək".
-
- Cəmiyyət
- 23 Yanvar 2024 18:21
Siyasət
-
Qazaxıstan Respublikasında keçirilən "Birləşdik - 2024" beynəlxalq əməliyyat-taktiki komanda-qərargah təlimi başa çatıb.
-
1 saylı Bakı İstintaq Təcridxanasında saxlanılan İstanbul Universitetinin doktorantı Fazil Qasımov 33 gündür “qanunsuz həbsinə” etiraz olaraq aclığı davam etdirir. O, yalnız su qəbul edir.
-
Çərşənbə axşamı Yeni Azərbaycan Partiyasının İdarə Heyəti Milli Məclisə sentyabrın 1-də keçiriləcək növbədənkənar seçkilərdə bu təşkilatın deputatlığa namizədlərinin siyahısını açıqlayıb.
-
Azərbaycan prezidenti İlham Əliyev çərşənbə axşamı “Dövlət qulluğu haqqında” Qanuna dövlət sektorunda inzibati və yardımçı vəzifələrin təsnifatının dəqiqləşdirilməsinə yönəlmiş düzəlişlərin edilməsi haqqında fərman imzalayıb.
Rəy yaz