Kadri Simson
Bakı/04.02.22/Turan: Avropa İttifaqı TAP-ın (Transadriatik qaz kəməri) ixrac imkanlarının ən yaxın gələcəkdə artacağına və layihədə nəzərdə tutulan illik 10 milyard kubmetrə çatacağına ümid edir. Bu barədə cümə günü Bakıda Energetika məsələləri üzrə Avropa Komissarı Kadri Simson Cənub Qaz Dəhlizi Məşvərət Şurası çərçivəsində nazirlərin 8-ci iclasının yekunlarına həsr olunmuş mətbuat konfransında bildirib.
"Biz Azərbaycandan Avropaya təbii qaz tədarükünü 10 mlrd. kubmetrə çatdırmaq istəyirik. Bunun üçün biz təhlükəsiz təchizatın təmin edilməsinə nail olmalıyıq", deyə o bildirib.
Onun sözlərinə görə, Aİ Cənub Qaz Dəhlizinin imkanlarının genişləndirilməsinin və "Şahdəniz" yatağından tədarükün artırılmasının tərəfdarıdır.
Cənub Qaz Dəhlizi Cənub-Şərqi Avropaya etibarlı qaz tədarükündə mühüm rol oynayır. "Hazırda enerji bazarında qiymətlərin artması müşahidə olunur, buna görə də Cənub Qaz Dəhlizi Avropanın bu hissəsinin enerji təchizatı üçün vacibdir", deyə o qeyd edib. -06В-
Siyasət
-
Azərbaycan Prezidentinin köməkçisi Hikmət Hacıyev İrana səfəri çərçivəsində İran Prezidentinin müşaviri Mehdi Sənayi ilə görüşüb.
-
Yanvarın 31-də Bakı Ağır Cinayətlər Məhkəməsində müxalifətçi siyasətçi Tofiq Yaqublunun işi üzrə prosesdə sənədlərin araşdırılması davam edib.
-
Maştağa qəsəbəsində yaşayan dini fəal Elvin Zeynalov yanvarın 31-də günorta evinin yaxınlığındakı mağazanın qarşısında mülki şəxslər tərəfindən saxlanılıb.
-
Strasburqda Avropa Sarayında Avropa Şurası Parlament Assambleyasının qış sessiyasında "Azərbaycanda insan hüquqları sahəsində narahatlıq doğuran böhrana” həsr olunmuş "paralel tədbir" keçirilib.
Rəy yaz