Bakı. 01.02.14. Turan : 2014-cü il yanvarın 31-də Avropa İttifaqının Cənubi Qafqaz üzrə xüsusi nümayəndəsi Filip Leforun mandatının müddəti bitir.
Aİ mətbuat xidməti bildirib ki, təşkilatın xarici işlər və təhlükəsizlik siyasəti üzrə ali nümayəndəsi Ketrin Eşton Cenevrə diskussiyalarının həmsədri və Aİ-nin Cənubi Qafqaz və Gürcüstanda böhran üzrə xüsusi nümayəndəsi kimi gərgin işinə, enerji və fədakarlığına görə Lefora təşəkkürünü bildirib.
“Lefor səbrlə və qərəzsiz fəaliyyət göstərib, tərəflərə aralarındakı ziddiyyəti həll etmək üçün yardım göstərməyə çalışıb və onların etimadını qazanıb. Gələcək xüsusi nümayəndədən də belə yanaşma gösləyirəm”, - o bildirib.
Eştonun sözlərinə görə, Aİ-nin Cənubi Qafqaz üzrə yeni xüsusi nümayəndəsi bir neçə həftə ərzində təyin olunacaq.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz