Avropa Komissarı AİHM-ni Azərbaycandakı vəkilləri müdafiə etməyə çağırıb
Avropa Şurasının insan hüquqları üzrə komissarı Nils Mujnieks "Üçüncü tərəf" hüququndan istifadə edərək, Avropa İnsan Hüquqları Məhkəməsinə müraciət göndərib, bu barədə Avropa Komissarı katibliyinin Turan agentliyinə göndərilmiş məlumatında deyilir.
Müraciət AİHM-də vəkil Xalid Bağırovun vəkillik səlahiyyətlərindən məhrum edilməsi ilə bağlı Azərbaycana qarşı şikayətinə baxılması ilə bağlıdır.
Vəkilin təqib olunmasına səbəb insan hüquqlarının müdafiəsində fəal iştirakıdır, bilavasitə səbəb isə vəkilin 2014-cü ilin sentyabrında Şəki Apellyasiya Məhkəməsində İlqar Məmmədovun işi üzrə prosesdə vəkilin iradları olub.
Avropa Komissarı öz müraciətini onunla əsaslandırıb ki, Xalid Bağırov məşhur hüquq müdafiəçiləri və ictimai xadimlər Leyla və Arif Yunusun, Rəsul Cəfərovun və Hilal Məmmədovun hüquqlarını müdafiə edirdi. O, həmçinin Xədicə İsmayılovanı müdafiə etməyə hazırlaşırdı, amma lisenziyadan məhrum edildi.
Avropa Komissarı qeyd edir ki, Azərbaycanda insan hüquqları sahəsində vəziyyət ciddi narahatlıq doğurur.
Tənqidi səslərə qarşı repressiyalar, məhkəmə təqibləri Azərbaycanda geniş yayılmış haldır.
Avropa Komissarı hesab edir ki, "Azərbaycan insan hüquqlarının müdafiəsi sahəsində öz öhdəliklərini yerinə yetirmək iqtidarında deyil", deyə müraciətdə bildirilir.
Avropa Komissarı həmçinin rəsmi Bakının AİHM-nin qərarlarına məhəl qoymaması faktını qeyd edir, məsələn, İlqar Məmmədovun işi və ya AİHM-yə vermək üçün onlarla iş hazırlayan vəkil İntiqam Əliyevin sənədlərinin müsadirəsi, yaxud Əlaif Həsənovun təqib olunması.
Vəkillərin öz öhdəliklərinin icrasından kənarlaşdırılması siyasəti hakimiyyətin onların peşə öhdəliklərinin qarşısını almaq üçün alətidir. Bunda ən çox insan hüquqları və görkəmli hüquq müdafiəçilərinin hüquqlarının müdafiəsi sahəsində işləyən hüquqşünaslar əziyyət çəkir, deyə müraciətdə qeyd olunur. -02D-
-
- Siyasət
- 28 Noyabr 2016 16:54
-
- İqtisadiyyat
- 28 Noyabr 2016 17:31
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz