Avropa Şurasının insan haqları komissarı Nils Muijnieks Azərbaycanda QHT haqqında qanunvericiliyə düzəlişlərin olunmasını tənqid edib.
Dövlət başçısı təsdiqləyəndən sonra bu düzəlişlər qüvvəyə minib. Bundan sonra Azərbaycanda vətəndaş cəmiyyətinin xarici donorlar tərəfindən maliyyələşdirilməsi imkanları daha da sərtləşdirilib.
Muijnieks bununla əlaqədar Twitterdəki mikrobloqunda yazıb: “QHT-lərə xarici qrantların verilməsinə dair yeni qanunvericilik Azərbaycan hökumətinə imkan verir ki, vətəndaş cəmiyyətini daha çox nəzarətdə saxlasın. Bu dəyişikliklər ölkənin insan haqları problemlərini daha da dərinləşdirir”.
Xatırladaq ki, qüvvəyə minən düzəlişlərə görə, vətəndaş cəmiyyəti layihələrinin qrantlar vasitəsilə maliyyələşdirilməsi üçün Azərbaycan icra hakimiyyəti orqanlarının icazəsi lazımdır.
Hakimiyyət bu düzəlişləri QHT-lərin şəffaflığının təminatının vacibliyi ilə əsaslandırıb.-16D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz