Avropa Məhkəməsi Azərbaycandan 2010-cu il parlament seçkiləri haqqında üç şikayətə baxacaq

Avropa İnsan Hüquqları Məhkəməsi (AİHM) Azərbaycan hökuməti ilə 2010-cu il parlament seçkiləri ilə əlaqədar üç şikayət üzrə kommunikasiyaya başlayıb.

Bu, 79 saylı İmişli Seçki Dairəsi üzrə Tariel Şirinlinin (müstəqil namizəd), 11 saylı Qaradağ Seçki Dairəsi üzrə Bəybala Əbilin (Klassik Xalq Cəbhəsi Partiyası) və 43 saylı 3-cü Sumqayıt Seçki Dairəsi üzrə İbrahim Əhmədzadənin (müstəqil namizəd) şikayətləri üzrə işləridir.

İ.Əhmədzadənin və T.Şirinlinin şikayətləri namizədliklərin qeydiyyatından imtina, B.Əbilovun şikayəti isə onun qeydiyyata alınmış namizədliyinin ləğvi ilə bağlıdır.

Avropa Məhkəməsi Hökümət qarşısında qoyduğu sualları cavablandırmaq üçün 2014-cü ilin dekabr ayının 18-nə qədər vaxt verilib.

Qeyd edək ki, AİHM-də bu şəxslərin maraqlarını avqustun 8-də həbs edilmiş Hüquq Maarifçiliyi Cəmiyyətinin rəhbəri İntiqam Əliyev təmsil edirdi.

Onun ofisində axtarış zamanı AİHM-də 100-dən çox iş, o cümlədən parlament seçkiləri ilə bağlı 40 işlə bağlı bütün materiallar müsadirə edilib.

İ.Əliyev artıq Avropa Məhkəməsinə vəkil dosyelərinin qanunsuz olaraq götürülməsi və bunun

Məhkəməyə göndərilən şikayətlərin müddətlərin keçməsi ilə bağlı qəbulu, kommunikasiyada olan işlər üzrə isə sənədlərin yoxluğu səbəbindən kommunikasiyada yaranan və gələcəkdə yarana biləcək problemlər barədə məlumat verib.

Əliyev ona qarşı irəli sürülmüş qanunsuz sahibkarlıq, vergi ödənişindən yayınma və vəzifə səlahiyyətlərindən sui-istifadə ittihamlarını təkzib edir.

“Amnesty International” onu vicdan məhbusu kimi tanıyıb. -16D06-