Azərbaycan kənd təsərrüfatı məhsullarının Rusiyaya ixracını artıra bilər

“Rusiyaya qarşı hansı sanksiyalar tətbiq edilirsə edilsin, Rusiya bizim qonşumuzdur, həm də bunu həyat, tarix müəyyən edib”. Bu barədə Moskvada cümə axşamı keçirilən mətbuat konfransında Azərbaycan səfiri Polad Bülbüloğlu bildirib.

“Müxtəlif qüvvələr və ölkələr bizə təsir etməyə çalışır, müxtəlif piar-kampaniyalar həyata keçirilir, - deyə səfir Bakıya Rusiya ilə əməkdaşlığına görə kənardan təzyiq göstərilib göstərilməməsi barədə suala cavabda bildirib. – Amma biz buna sakit yanaşırıq. Bizə xarici təzyiq təsir etmir”, deyə İTAR-TASS səfirdən sitat gətirir.

Bakıda əmindirlər ki, istənilən münaqişələri, o cümlədən Ukraynadakı münaqişəni danışıqlar yolu ilə həll etmək lazımdır. “Ukraynadakı hadisələr Sovet İttifaqına daxil olan bütün ölkələrin həyatında çox xoşagəlməz məqamdır. Bu gün Ukraynada baş verənlər dəhşətli yuxuda belə görülməzdi. Azərbaycan dövlətlərin ərazi bütövlüyünün tərəfdarıdır. Hesab edirik ki, İkinci Dünya Müharibəsindən sonra yaranmış sülh şəraitini ozmaq olmaz”, deyə diplomat bildirib.

Onun sözlərinə görə, Bakıda “bunun Ukraynanın daxili işi olduğuna” əsaslanırlar. “Orada mahiyyətcə vətəndaş müharibəsi gedir. Hesab edirik ki, istənilən münaqişələri siyasi yolla, danışıqlar yolu ilə tənzimləmək lazımdır”, deyə səfir qeyd edib.

Azərbaycan kənd təsərrüfatı məhsullarının alınmasına zəmanət verilərsə, bu məhsulların Rusiyaya ixracını ən qısa zamanda artırmağa hazırdır. Bu zaman İTAR-TASS müxbirinin sualına cavabda o dəqiqləşdirib ki, söhbət təkcə meyvə-tərəvəz ixracından deyil, quş ətlərindən, yumurtadan və digər məhsullardan gedir.

Azərbaycan özü özünü tamamilə təmin edir və biz ixrac həcmini tezliklə artırmağa hazırıq, - deyə səfir inandırıb. – Amma sanksiyaların ləğv ediləcəyi təqdirdə belə bu məhsulun alınacağına zəmanət olmalıdır”.

“Əsas problem ondan ibarətdir ki, istehsalçılar və sahibkarlar inzibati maneələrdən, gömrükdən gec keçməkdən qorxurlar. Axı kənd təsərrüfatı məhsulları tez xarab olan məhsuldur”, deyə diplomat qeyd edib.

Onun fikrincə, ilk növbədə “xüsusi sahibkarlara normal şərait yaradılmalıdır ki, inzibati maneələr onlara əziyyət verməsin”. “Bax bu mexanizmləri yoluna qoymaq lazımdır, insanlara, fermerlərə isə iş qalmayacaq”, deyə o bildirib. -02D-