Tbilisi/07.07.17/Turan: Avropa məhkəməsi azərbaycanlı jurnalist Əfqan Muxtarlının işinə sürətləndirilmiş rejimdə baxacaq, Ə.Muxtarlının vəkili Arçil Çopikaşvili bildirib.
"Strasburq məhkəməsi bu işə "prioritet"lik verib və bu, o deməkdir ki, Avropa məhkəməsində işə prioritet, sürətləndirilmiş qaydada baxılacaq", - "Azadlıq" radiosu vəkildən sitat gətirib.
2015-ci ildən Gürcüstanda yaşayan Ə.Muxtarlı mayın 29-da Tbilisidə yoxa çıxıb. Sonradan məlum olub ki, Bakıdadır və həbs edilib. O, sərhəddi qanunsuz keçməkdə, qaçaqmalçılıqda və polis əməkdaşına müqavimət göstərməkdə ittiham olunub.
Mayın 31-də Bakı məhkəməsi onu həbs edib. Jurnalistin ailəsi bildirir ki, onu oğurlayıblar, üzərinə pul qoyublar və gizli olaraq Azərbaycana aparıblar.
Ə.Muxtarlının doğmaları əmindir ki, onun oğurlanmasında Gürcüstan hüquq-mühafizə orqanları nümayəndələrinin əli var.
Azərbaycanlı jurnalistin oğurlanması Gürcüstan cəmiyyətində geniş rezonans doğurub. Gürcüstan KİV və QHT nümayəndələri Tbilisidə və ölkənin digər şəhərlərində Ə.Muxtarlıya dəstək aksiyaları keçiriblər.-02D-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz