Azərbaycan hökuməti noyabrın 17-nə qədər həbsdə olan hüquq müdafiəçisi İntiqam Əliyevin səhhətilə bağlı Avropa İnsan Hüquqları Məhkəməsinin sorğusuna cavab verməlidir. Bu barədə vəkil Cavad Cavadov özünün Facebook səhifəsində yazıb.
Onun sözlərinə görə, təcridxanada İ.Əliyevin vəziyyəti pisləşməkdə davam edir, həkim nəzarəti effekt vermir.
“Müraciətlərimizə baxmayaraq, müayinə və rentgen çəkilişlərinin nəticələri bizim həkimlərə verilmir. Belə olan vəziyyətdə Avropa məhkəməsinin 39-cu maddəsinə uyğun olaraq tədbirlərin görülməsi üçün Avropa İnsan Hüquqları Məhkəməsinə müraciət etməyə məcbur olduq. Bu gün biz cavab almışıq. Azərbaycan hökuməti ona ünvanlanan suallara noyabrın 17-dək cavab verməlidir. Eyni zamanda mən İntiqam Əliyevin barəsində həbs qətimkan tədbirinin dəyişdirilməsi xahişilə hökumətə müraciət edirəm”, - C.Cavadov vurğulayıb.
Oktyabrın sonlarında İ.Əliyevin tibbi müayinəsi zamanı onda boyun osteoxondrozu və protruziya (bel yırtığı) aşkar edilib. Bununla belə, ona təcridxana şəraitində ambulator müalicə yazılıb.
* İntiqam Əliyev avqustun 8-də həbs olunub. O, vergidən yayınmada, vəzifə səlahiyyətindən sui-istifadədə və qanunsuz sahibkarlıqda ittiham olunub. İ..Əliyev bütün ittihamları rədd edərək onları siyasi motivli sayır.
Amnesty İnternational İ.Əliyevi”vicdan məhbusu” kimi tanıyıb.16D06--
Siyasət
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
Rəy yaz