Aprelin 9-da Avropa İnsan Hüquqları Məhkəməsi İlqar Məmmədovun şikayətinə prioritet əhəmiyyət verərək, Azərbaycan hökuməti ilə kommunikasiyaya başlayıb. Bu zaman hakimiyyətin qarşısında bir sıra məsələlər qaldırılıb.
Xüsusən, rəsmi Bakı iyunun 18-də Strasburqa cavab verməli, Məhkəmə isə şərh üçün bu cavabları vəkilə göndərməli idi. Bu barədə Turan-a vəkil Fuad Ağayev bildirib.
İyulun 8-də vəkil Avropa Məhkəməsinə məktub göndərərək, sözügedən sənədləri almaması ilə bağlı narahatlığını bildirib.
“Bu gün biz Məhkəmənin Katibliyindən hökumətin cavablarının hələ iyunun 26-da göndərildiyi barədə məlumat aldıq! Belə çıxır ki, məktub 20 gündür ünvana çatmır! Azərbaycan poçtamtı üçün bu həddindən artıq uzun müddət deyilmi? Mayın 23-də göndərilmiş sonuncu belə məlumatı mən 10 gün sonra almışdım”, deyə vəkil qeyd edib.
* Xatırladaq ki, İlqar Məmmədov bu il yanvarın 13-14-də İsmayıllı şəhərində iğtişaşlar təşkil etmək barədə saxta ittiham ilə həbs edilib. Bununla əlaqədar olaraq, Avropa Məhkəməsi onun işini prioritet olaraq ayırıb və növbədənkənar baxır. -02D-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz