Ölkə vətəndaşları prezidenti Hilal Məmmədovu azad etməyə çağırıblar

Azərbaycanın müxtəlif regionlarından 4 minə yaxın vətəndaş prezident İlham Əliyevə “Tolışi sədo” qəzetinin redaktoru Hilal Məmmədovun həbsdən azad edilməsi çağırışı ilə məktub imzalayıblar.

İmzatoplama kampaniyası ölkənin bir sıra ictimai təşkilatları, o cümlədən Məmmədovun Hüquqlarını Müdafiə Komitəsi tərəfindən keçirilib. O, 2012-ci il iyunun 21-də həbs edilib və qanunsuz narkotik ticarəti, dövlətə xəyanət və ayrı-seçkilik salmaqda ittiham olunur.

Hilal Məmmədov bir ildən çoxdur ki, saxta və uydurma ittihamlarla həbsdə saxlanılır, deyə bu gün imzatoplama kampaniyasının başa çatmasına həsr olunmuş tədbirdə “Azəri-Talış” ictimai birliyinin rəhbəri Mehdibəy Səfərov bildirib.

“Hilal Məmmədov səmərəli hüquqi müdafiədən məhrumdur. Ağır Cinayətlərə dair İşlər üzrə Məhkəmənin hakimi Azər Orucov Məmmədovun təqsirsiz olduğunu isbat etməsinə imkan vermir, onun çıxışlarını kəsir, vəkillərin suallarına müdaxilə edir, açıq-aşkar ittiham tərəfin şahidlərini müdafiə edir”, deyə Səfərov bildirib.

Məmmədov fəal vətəndaş mövqeyinə, hüquq-müdafiə fəaliyyətinə, Talış Mədəniyyət Mərkəzinin keçmiş rəhbəri Novruzəli Məmmədovun hüquqlarının müdafiəsində iştirakına görə təqib olunur.

“Biz Hilalın Novruzəli Məmmədovun taleyinə yaşamasını istəmirik və buna görə prezidentdən müdaxilə etməyi və ədalətsizliyə son qoymağı xahiş edirik”, deyə Səfərov bildirib.

Məmmədovun Hüquqlarını Müdafiə Komitəsinin üzvü Arzuman Məcidli hesab edir ki, “Tolışi sədo” redaktorunun həbsinə siyasi rəhbərlik icazə verib. “Bununla belə, biz humanizm prinsiplərindən irəli gələrək, alimin cinayət təqibinə son qoyulması üçün dövlət başçısına müraciət edirik”, deyə Məcidli bildirib.

“Hilal Məmmədovun işi üzrə proses məhkəmə parodiyasıdır. Hakimin yanında şahid olan polis əməkdaşları Hilal Məmmədovu təhqir edir”, deyə Məmmədovun hüquqlarını Müdafiə Komitəsinin üzvü, gənc fəal Azər Kazımzadə bildirib.

“Hilal Məmmədov talış xalqı ziyalılarının görkəmli nümayəndəsidir. O, həmişə Azərbaycanın ərazi bütövlüyünü və ölkənin bütün xalqlarının bərabərhüquqluluğunu müdafiə edib”, deyə Azərbaycan Ziyalılar Hərəkatının sədr müavini Seyran Rəfiyev bildirib.

Azərbaycan prezidentinə müraciətdə qeyd edilir ki, Məmmədovun işi üzrə istintaq və məhkəmə heç bir hüquqi çərçivəyə sığmır və açıq-aşkar ədalətsiz aparılır.

Müraciət müəllifləri əmindir ki, H.Məmmədova qarşı cinayət işi sifarişli xarakter daşıyır, qərəzli və absurddur.

“Biz milli-mənəvi dəyərlərin və öz xalqının mədəni irsinin araşdırılması sahəsində mütəxəssis Hilal Məmmədovun qanunsuz həbsini insan hüquqları və demokratik dəyərlərə zərbə kimi qiymətləndiririk.

Sizdən prezident seçkiləri ərəfəsində humanizm nümayiş etdirməyi və H.Məmmədovun azad edilməsinə yardım etməyi xahiş edirik”, deyə sonda bildirilir. -06C-