Cümə axşamı Avropa Parlamenti öz plenar sessiyasında Ramil Səfərovun işi üzrə qətnamə qəbul edib.
Qətnamədə azərbaycanlı zabitin əfv olunması ilə bağlı prezident İlham Əliyevin qərarının təəssüf doğurduğu bildirilir.
“Hətta prezidentin R.Səfərovu əfv etməsi məhkum olunmuş şəxslərin verilməsi haqda konvensiyaya uyğun olsa belə, bu, bir dövlətin ərazisində məhkum olunmuş şəxsin cəzasının qalan hissəsini başqa dövlətdə çəkməsi üçün həmin ölkəyə verilməsi barədə beynəlxalq sazişin ruhuna ziddir”, - sənəddə deyilir.
Qətnamədə Azərbaycan prezidentinin qərarının “iki ölkə arasında gərginliyin artmasına xidmət etməsinin” və Dağlıq Qarabağ nizamlanması üzrə səyləri heçə endirməsinin mümkünlüyündən narahatlıq ifadə olunur.
Parlamentarilər Azərbaycan hakimiyyəti tərəfindən R.Səfərova “qəhrəman kimi ehtiram” göstərilməsini də pisləyiblər. Bundan əlavə, qətnamədə Dağlıq Qarabağ münaqişəsinin dinc yolla nizamlanması üzrə ATƏT-in Minsk Qrupunun səylərinin dəstəkləndiyi qeyd olunub. -02D-
Siyasət
-
"Kanal 11" internet televiziyasının rəhbəri Teymur Kərimov və onunla birlikdə mühakimə olunan İstək Totiyevanın cinayət işi üzrə məhkəmə prosesi dekabrın 28-də çatıb.
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
-
Dekabrın 25-də AZAL-a məxsus təyyarə qəzasını araşdırmaq üçün türkiyəli ekspertlərdən ibarət istintaq qrupu Bakıya gəlib.
-
Cümə günü Birləşmiş Ştatlar demokratiya xələl gətirdiyinə görə gürcü milyarder Bidzina İvanişviliyə - ölkənin faktiki liderinə qarşı sanksiyalar tətbiq edib. Sanksiyalar İvanişviliyə məxsus olan bütün Amerika aktivlərini dondurur, bu barədə cümə günü ABŞ Dövlət Departamentinin və Maliyyə Nazirliyinin nümayəndələri jurnalistlərə bildiriblər. Yeni tədbirlərlə İvanişviliyə məxsus olan qurumların iştirakı ilə həyata keçirilən tranzaksiyalar da dayandırılacaq. Xəbəri Turan-ın müxbiri verib. Dövlət katibi Entoni Blinken bildirib ki, İvanişvili və onun partiyası "Gürcüstanın Avroatlantik gələcəyinə mane olaraq" onu "Gürcüstan ərazisinin 20 faizindən çoxunu işğal altında saxlamaqda davam edən" Rusiya qarşısında müdafiəsiz qoyub.
Rəy yaz