Avropa Şurasının baş katibi Torbyörn Yaqland Azərbaycanın ədliyyə nazirinə məktubla müraciət edərək 6 saylı koloniyada saxlanılan REAL hərəkatının lideri İlqar Məmmədova təzyiq faktı ilə bağlı narahatlığını bildirib.
O həmçinin Avropa İnsan Hüquqları Məhkəməsinin İ.Məmmədovun azadlığa buraxılması barədə qərarının dərhal və şərtsiz yerinə yetirilməsinə çağırıb. Bu barədə REAL hərəkatının məlumatında deyilir.
Qeyd edək ki, Yaqland iki dəfə Azərbaycan hakimiyyətinə müraciət edərək İ.Məmmədova qarşı qanunsuz təqiblərə son qoyulmasını tələb edib.
Xatırladaq ki, ötən həftə digər məhbuslar İ.Məmmədova hücum edərək ona xəsarət yetiriblər. Ötən gün İ.Məmmədovun vəkili Fuad Ağayev REAL hərəkatının liderinin həyatına təhlükənin olduğunu bildirib. İ.Məmmədov 2013-cü il yanvarın 23-24-də İsmayıllıda baş vermiş iğtişaşlarla əlaqədar uydurma ittihamla 7 il müddətinə həbs olunub. –1606D-
Siyasət
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
Rəy yaz