![Avropa Şurasının nümayəndələri Bakıda siyasi məhbuslar problemini müzakirə ediblər](https://turan.az/resized/media/2015/main/041000112188-750-500-resize.webp)
Avropa Şurasının nümayəndələri Bakıda siyasi məhbuslar problemini müzakirə ediblər
Avropa Şurasının baş katibi Torborn Yaqland Azərbaycanda insan hüquqları üzrə birgə işçi qrupun fəaliyyətini diqqətlə izləyir. Bu barədə aprelin 9-da işçi qrupun üzvləri ilə görüşdə Avropa Şurasının siyasi məsələlər üzrə direktorluğunun rəhbəri Aleksandr Gessel bildirib.
Rəsmi məlumata əsasən, Gessel işçi qrupun müzakirə etdiyi məsələlərin “xüsusi aktuallığını” qeyd edib və AŞ-ın işçi qrupa hər cür dəstək göstərməyə hazır olduğunu bildirib.
Öz növbəsində, işçi qrupun həmsədri, Prezident Administrasiyasının şöbə müdiri Fuad Ələsgərov komissiya ilə əvf məsələləri üzrə qarşılıqlı fəaliyyətdən bəhs edib. Bu əməkdaşlıq nəticəsində yarım ildə Azərbaycan prezidenti 15 nəfəri əvf edib, deyə o bildirib.
İşçi qrupun üzvü, Azərbaycan Milli Helsinki Komitəsinin sədri Arzu Abdullayeva Turan-a bildirib ki, görüşdə siyasi məhbusların azad edilməsi məsələləri diqqət mərkəzində olub. Hüquq müdafiəçiləri yenidən NİDA fəallarının, İlqar Məmmədovun, İntiqam Əliyevin, Hilal Məmmədovun və digər siyasi məhbusların azad edilməsi məsələsini qaldırıblar.
Abdullayevanın sözlərinə görə, hakimiyyət nümayəndələri bildiriblər ki, mayın sonlarında yeni əvf fərmanı verilə bilər.
Hüquq müdafiəçiləri həmçinin işçi qrupun iclasının reqlamenti və iclasların müntəzəmliyi məsələsini qaldırıblar.
İşçi qrupda 30 siyasi məhbusun işi ilə yanaşı, müxtəlif islamçı qrupların, ümumilikdə 90 nəfərə yaxın məhbusun işləri müzakirə olunur.
* Azərbaycanda hakimiyyət və vətəndaş cəmiyyəti nümayəndələrinin iştirakı ilə insan hüquqları üzrə birgə işçi qrup AŞ baş katibi Yaqlandın təşəbbüsü ilə 2014-cü ilin oktyabrında Azərbaycanda siyasi məhbuslar probleminin həllinə yardım məqsədilə yaradılıb. -06B05-
-
- İqtisadiyyat
- 10 Aprel 2015 11:51
-
- Siyasət
- 10 Aprel 2015 13:15
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz