Əfqanıstanın neft naziri Bakıda səfərdədir

Əfqanıstanın mədən və neft naziri Daud Şah Saba aprelin 9-da Azərbaycana səfərə gəlib. Elə bu gün FHN rəhbəri Kəmaləddin Heydərov onu qəbul edib.

FHN-in saytındakı məlumata əsasən, Heydərov qonağa iki ölkənin müvafiq idarələri arasında əməkdaşlığın perspektivləri, Azərbaycan və Əfqanıstanın dövlət xadimlərinin qarşılıqlı səfərlərinin faydaları haqqında məlumat verib.

Cavab sözündə Saba idarəsinin Azərbaycan FHN ilə əməkdaşlıqda maraqlı olduğunu bildirib.

Daha sonra tərəflər qarşılıqlı maraq doğuran məsələləri müzakirə ediblər.

Qeyd edək ki, Azərbaycan Əfqanıstanda güc qurumlarının işçilərinin və diplomatların hazırlanmasına və təliminə kömək edən donor ölkələrdən biridir. Bundan başqa, Azərbaycan müntəzəm olaraq Əfqanıstana dəstək üzrə beynəlxalq səylər çərçivəsində bu ölkənin sosial və digər problemlərinin həllinə kömək edir.

Bu yaxınlarda, 1 dekabr 2014-cü il tarixində Əfqanıstan prezidenti Qani Ahmadzayın Bakıya səfəri zamanı iki ölkə arasında əməkdaşlığın sahələri və bir çox məsələlər müzakirə olunub. Xüsusən, Qani həmi vaxt Azərbaycanın energetika naziri Natiq Əliyevlə görüşüb. -02D-