Avropa Xarici Əlaqələr və Təhlükəsizlik Xidməti Azərbaycanda parlament seçkilərinin qiymətləndirilməsində ATƏT-lə həmrəydir
Avropa Xarici Əlaqələr və Təhlükəsizlik Xidməti Azərbaycanda parlament seçkilərinin qiymətləndirilməsində ATƏT-lə həmrəydir
Avropa Xarici Əlaqələr və Təhlükəsizlik Xidmətinin mətbuat xidməti Azərbaycanda parlament seçkilərinin yekunları ilə bağlı bəyanat yayıb.
"Sentyabrın 1-də Azərbaycan Respublikasında növbədənkənar parlament seçkiləri keçirilib. ATƏT/DTİHB-nin seçkiləri müşahidə missiyasının məlumatına görə, seçkilər əsl plüralizmə şərait yaratmayan məhdud siyasi və hüquqi mühitdə keçirilib və rəqabətsiz mübarizəyə səbəb olub.
Səsvermə prosesi təşkil olunsa da və ümumilikdə səmərəli kimi qiymətləndirilsə də, xüsusilə səslərin sayılması zamanı ciddi pozuntular və mühüm zəmanətlərin təmin edilməməsi halları qeydə alınıb, bu da prosesin ədalətli olmasını sual altına qoyub.
ATƏT/DTİHB-nin missiyası həmçinin qeyd edib ki, seçkilər fərqli düşünənlərə qarşı davam edən repressiyalar fonunda keçirilib.
Avropa İttifaqı Azərbaycan hakimiyyətini ATƏT/DTİHB-nin bu və əvvəlki seçkilərlə bağlı tövsiyələrini nəzərə almağa və yerinə yetirməyə çağırır. Aİ bu prosesdə köməklik etməyə hazırdır", deyə bəyanatda qeyd edilir.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz