Avropada İqbal Əbilova dəstək aksiyası

Azərbaycanda həbs edilmiş tədqiqatçı İqbal Əbilovun 35 yaşının tamam olduğu gün həmkarları və yoldaşları onun işinə diqqət cəlb etmək üçün Avropanın müxtəlif şəhərlərində, o cümlədən Vilnyus, Belqrad, Varşava və Portoda aksiyalar keçiriblər.

Aksiya iştirakçıları hüquq müdafiəçiləri tərəfindən siyasi məhbus kimi tanınmış Əbilovu azad etməyə çağırıblar.

Bundan başqa, Bakı vaxtı ilə 21:00-da  Zize TV  YouTube Kanalında İqbalın qohumlarının, dostlarının və həmkarlarının iştirakı ilə strim keçiriləcək.

* Talış tədqiqatçı İqbal Əbilov 22 iyul 2024-cü il tarixində dövlətə xəyanət, xarici təşkilatların tapşırığı ilə dövlət əleyhinə çağırışlar, milli və dini ayrı-seçkilik salma ittihamları ilə saxlanılıb.

Xüsusən, bütün bu cinayətlərin Ermənistan xüsusi xidmətlərinin göstərişi ilə törədildiyi iddia edilir.

Əbilov ittihamları rədd edir və müstəsna olaraq elmi fəaliyyətlə məşğul olduğunu bildirir. Dünyanın müxtəlif ölkələrindən olan alimlərdən ibarət böyük bir qrup Əbilovun azad edilməsinə yardım etmək xahişi ilə Azərbaycan rəhbərliyinə müraciət edib. Hüquq müdafiəçiləri Əbilovu siyasi məhbus kimi tanıyıblar. Noyabrın 19-da məhkəmə Əbilovun həbs müddətini 4 ay uzadıb.