Avropanı kəskin tənqid edən Bakı öz hakimlərini oraya göndərib

Azərbaycan Hüquq Akademiyasının bir qrup hüquqşünası Strasburqa ikigünlük treninqə gedib. Onlar Avropa İttifaqı və Avropa Şurasının hakimlərin Avropa İnsan Hüquqları Məhkəməsinin təcrübəsi ilə tanış olması üzrə birgə layihəsində iştirak edəcəklər.

“Tədbirin məqsədi iştirakçılara milli qanunvericiliyə və “insan hüququ” anlayışının tətbiqi ilə bağlı öz ölkələrindən olan işlərə xüsusi diqqət yetirilməklə, Avropa Məhkəməsinin fəaliyyət sistemini görmək imkanı verməkdən ibarətdir”, deyə Aİ informasiya mərkəzinin press-relizində bildirilir.

İştirakçılar Böyük Palatanın iclasında iştirak edəcəklər və Avropa Şurası Katibliyi üzvlərinin məruzələrini dinləyəcəklər.

Bu treninq Aİ-Avropa Şurasının “Avropa İnsan Hüquqları Konvensiyasının və Avropa Məhkəməsinin Azərbaycanda insan hüquqları üzrə məhkəmə işlərinin tətbiqi” adlı layihəsinin bir hissəsidir, deyə məlumatda qeyd edilir.

Qeyd edək ki, elə bu günlərdə Azərbaycan parlamenti Avropa Parlamentinin Azərbaycan hakimiyyətini insan hüquqlarının və vətəndaşların əsas azadlıqlarının pozulmasına görə kəskin tənqidə məruz qoyan 10 sentyabr qətnaməsi ilə əlaqədar Avropa ilə bütün əlaqələri kəsməklə hədələyirdi. -02D-