Beynəlxalq Olimpiya Komitəsi Yay Olimpiadası – 2024-ün keçirilməsi üçün iddia edən beş şəhərin adını açıqlayıb: Budapeşt, Hamburq, Los-Anceles, Paris və Roma. Qalib şəhər 2017-ci ildə məlum olacaq.
Bir müddət əvvəl iddiaçılar arasında Bakının da adı çəkilirdi. Amma Gənclər və İdman Nazirliyinin nümayəndəsinin verdiyi məlumata görə, Bakının imtinası digər beynəlxalq yarışlara – İslam Oyunları-2017, “Formula-1” və Şahmat Olimpiadası-2016-ya hazırlıqla əlaqədardır.
Bakı 2016 və 2020-ci il Yay Olimpiadalarının keçirilməsi üçün namizədliyini irəli sürmüşdü, amma hər ikisində namizədlərin şort-listinə düşməmişdi.
Bakı Avropa Oyunlarının keçirilməsi təşəbbüsünü böyük yarışlar keçirmək iqtidarında olduğunu nümayiş etdirmək məqsədilə irəli sürmüşdü. Bu məqsədlə 500 mln. avroluq Olimpiya Stadionu tikilib.
Amma indi neft gəlirlərinin azaldığı bir şəraitdə hakimiyyətin həvəsi itib və bu səviyyəli tədbirlər artıq yolverilməz təmtəraqdır. -06D-
Siyasət
-
Fevralın 6-da ABŞ Konqresinin 20-yə yaxın üzvü Xarici Əlaqələr Komitəsinə qətnamə təqdim edib və Azərbaycan hakimiyyətindən Qubad İbadoğlunun azadlığa buraxılmasını tələb edir.
-
7 fevral 2025-ci il tarixdə Azərbaycan – Ermənistan dövlət sərhədində Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Ermənistan Respublikası Əsir düşmüş, saxlanılmış və itkin şəxslər üzrə idarələrarası komissiyasının nümayəndələri arasında görüş baş tutmuşdur.
-
Jurnalist Şahnaz Bəylərqızının həbsindən apellyasiya şikayəti verilib. Bu barədə cümə günü Turan agentliyinə onun vəkili Bəxtiyar Hacıyev bildirib.
Rəy yaz