Demokrat Partiyası Ali Məclisinin Rəyasət Heyəti çərşənbə günü partiyanın parlament seçkisindən geri çəkilməsi barədə qərar qəbul edib.
Sənəddə partiyanın seçkidən geri çəkilməsinə səbəb kimi Azərbaycanla ABŞ və Avropanın demokratik institutları arasında münasibətlərin gərginləşdirilməsi əksini tapır. Bununla yanaşı, ATƏT-in 2015-ci il parlament seçkilərini müşahidə missiyasından imtina etməsi qərarı verməsi də səbəblər sırasındadır. Partiya ölkədə seçkiöncəsi real siyasi durumu da nəzərə alaraq, Milli Məclisə keçiriləcək seçkilərə hazırlıqda iştirakı məqsədəuyğun saymayaraq seçkilərdən geri çəkildiyini bəyan edir.
Partiya Məclisi Rəyasət Heyətinin qərarına əsasən, ADP sədri Sərdar Cəlaloğlu 9 saylı Binəqədi II, partiya sədrinin birinci müavini Həsrət Rüstəmov 18 saylı Nərimanov-Nizami, partiya sədrinin müavini Taliyyət Əliyev 21 saylı Nəsimi I, partiya Ali Məclisinin sədri İsa Cəfərov 45 saylı Abşeron, Vasif Abdullayev 35 saylı Xətai III seçki dairələrində bu gündən seçki fəaliyyətlərini dayandırdıqlarını bəyan ediblər. -05D-
Siyasət
-
Fevralın 6-da ABŞ Konqresinin 20-yə yaxın üzvü Xarici Əlaqələr Komitəsinə qətnamə təqdim edib və Azərbaycan hakimiyyətindən Qubad İbadoğlunun azadlığa buraxılmasını tələb edir.
-
7 fevral 2025-ci il tarixdə Azərbaycan – Ermənistan dövlət sərhədində Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Ermənistan Respublikası Əsir düşmüş, saxlanılmış və itkin şəxslər üzrə idarələrarası komissiyasının nümayəndələri arasında görüş baş tutmuşdur.
-
Jurnalist Şahnaz Bəylərqızının həbsindən apellyasiya şikayəti verilib. Bu barədə cümə günü Turan agentliyinə onun vəkili Bəxtiyar Hacıyev bildirib.
Rəy yaz