Avropaya viza üçün hara müraciət olunmalıdır?

İtaliyanın Bakıdakı səfirliyi 2015-ci il yanvarın 29-dan etibarən Şengen ölkələri arasında viza-məlumat mübadiləsinin  aparılması üçün Viza İnformasiya Sisteminin (VİS) qüvvəyə minəcəyi haqda açıqlama yayıb.

Səfirlik VİS-i Avropa İttifaqının azad, təhlükəsiz və ədalətli mühitin yaradılmasında önəmli təşəbbüslərindən biri adlandırır.

Yeni sistemə əsasən ilk dəfə viza sorğusu təqdim edən şəxsin özü aidiyyatı ofislərə müraciət etməlidir. Bu zaman həmin şəxsin biometrik məlumatları (biometirk şəkil, barmaqların rəqəmsal izləri) əldə edilir.

Səfrilik 12 yaşına çatmamış azyaşlıların və fiziki olaraq barmaq izlərinin götürülməsi mümkün olmayan şəxslərin bu prosedurdan azad olunduqlarını nəzərə çatdırır.

Amma səfriliyin açıqlamasında “aidiyyatı ofisə müraciət etmək” ifadəsi anlaşılmaz şəkildə qalır, bu halda şəxsin səfirliyəmi, ya hansısa konsul şöbəsinəmi müraciət etməsinin lazım gəldiyi aydın olmur.