![AXCP fəalı Dəyanət Babayevin işi üzrə istintaq başa çatıb](https://turan.az/resized/750/500/resize/media/2013/main/041200034425.jpg)
AXCP fəalı Dəyanət Babayevin işi üzrə istintaq başa çatıb
Nəsimi Rayon Polis İdarəsində AXCP fəalı Dəyanət Babayevin işi üzrə istintaq başa çatıb və iş rayon prokurorluğuna göndərilib. O, Cinayət Məcəlləsinin 221.2.1 maddəsi ilə (xuliqanlıq, bir qrup şəxs tərəfindən törədildikdə) ittiham olunur.
İstintaqın məlumatına görə, noyabrın 7-də axşam D.Babayev Musa Rəhimovla birlikdə ictimai asayişi pozan hərəkətlərə yol veriblər. Belə ki, sərxoş vəziyyətdə Tofiq Səlimov adlı vətəndaşı təhqir edib, ona bədən xəsarəti yetiriblər.
AXCP isə bildirir ki, özünü DİN-in əməkdaşı kimi təqdim edən həmin
şəxs (Səlimov) fəallara polis bölməsinə getməyi təklif edib. Gənclər ondan xidməti vəsiqəsini tələb etdikdə o qaçıb. Fəallar yaxınlıqdakı polis əməkdaşına bu barədə məlumat veriblər, lakin heç kim onu saxlamayıb.
Noyabrın 17-də D.Babayev mitinq zamanı 7 sutkalığa həbs edilib. Bu cəza müddəti bitdikdən sonra polis onun barəsində həbs qətimkan tədbirinin seçilməsi barədə təqdimat verib – həmin cinayət üzrə həbs. Lakin məhkəmə təqdimatı təmin etməyib və D.Babayevdən şəhərdən çıxmamaq haqqında iltizam alınıb.
Gənc fəal hazırda iştintaqın başa çatması və təsdiqlənmək üçün prokurorluğa verilməsi ilə yenidən həbs qətimkan tədbirinin seçilməsi məsələsinin ortaya çıxa biləcəyindən ehtiyatlanır.
Onun sözlərinə görə, R. Musayevin işi ayrıca icraata götürülüb.
AXCP hesab edir ki, D.Babayev etiraz aksiyalarında fəal iştirakına görə siyasi motivlərlə təqib olunur. Günahı sübuta yetirilərsə, onu 5 ilədək azadlıqdan məhrumetmə cəzası gözləyir.—16B06--
-
- İqtisadiyyat
- 12 Aprel 2013 15:03
-
- İqtisadiyyat
- 12 Aprel 2013 15:23
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz