AXCP fəalı Dəyanət Babayevin məhkəməsi başlayıb
Bu gün Nəsimi rayon məhkəməsində Xumar Mərdanovanın sədrliyi ilə xuliqanlıqda ittiham olunan AXCP gənc fəalı Dəyanət Babayevin işi üzrə hazırlıq iclası keçirilib.
Babayevin Turan-a verdiyi məlumata görə, iclas cəmi 8 dəqiqə sürüb. Vəkil Əsabəli Mustafayev olmadığı üçün, fəal hüquqlarını özü müdafiə edib.
Hakim ondan ittiham aktı ilə tanış olub-olmadığını soruşub, Babayev təsdiqedici cavab verib. Dövlət ittihamçısı Fuad Əsgərov çıxış etməyib.
Daha sonra hakim işə mahiyyəti üzrə baxılmasını 2 may saat 11.00-a təyin edib.
Babayev ona qarşı CM-in 221.2.1-ci (xuliqanlıq, bir qrup şəxs tərəfindən törədildikdə) maddəsi ilə irəli sürülmüş ittihamı təkzib edir.
Təqsiri sübuta yetirilərsə, Babayevi 5 ilədək azadlıqdan məhrumetmə cəzası gözləyir.
İstintaqın məlumatına görə, 7 noyabr 2012-ci il axşam saatlarında Babayev digər AXCP fəalı Rəhim Musayevlə birlikdə Bakıda ictimai asayişi pozub. Onlar guya sərxoş vəziyyətdə vətəndaş Tofiq Səlimovu təhqir ediblər və ona yüngün bədən xəsarətləri yetiriblər.
Əslində isə üzərində mülki geyim olan Səlimov özünü polis əməkdaşı kimi təqdim edərək, fəallara polis bölməsinə gəlməyi təklif edib. Gənc fəallar vəsiqə tələb etdikdə o, qaçmağa başlayıb. Gənclər bu barədə yaxınlıqdakı polis əməkdaşına bildiriblər, lakin onlar özləri saxlanılıb.
Hadisədə adı keçən Rəhim Musayev barəsində iş ayrıca icraata ayrılıb.
AXCP hesab edir ki, Babayev etiraz aksiyalarında iştirakına görə siyasi motivlərlə təqib olunur. -16B06-
-
- Siyasət
- 25 Aprel 2013 17:08
-
- İqtisadiyyat
- 25 Aprel 2013 17:29
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz