Su təchizatı azalıb

Bu ilin I rübündə əhaliyə və başqa kateqoriya istifadəçilərə su təchizatı həcmi 60,2 mln kub metr olub. Bu, 2012-ci ilin eyni dövründəkindən  19,1% azdır. Amma “Azərsu” ASC-nin maliyyə göstəriciləri 2% yaxşılaşıb.

Dövlətstatkoma görə, 2013-cü ilin I rübündə istehlakçılara 46,3 mln manatlıq su təchizatı və çirkab suyu xidməti göstərilib. Bu, 2012-ci ilin eyni dövründəkindən  2% çoxdur. Bunlar istehlakçılara su tədarükü həcminin strukturundakı dəyişikliklərlə bağlıdır. Suyu xammal kimi istifadə edən müəssisələrlə əhali arasında su tarifi üzrə 3 dəfə fərq var. Bundan başqa, istehlak səviyyəsinə su sayğaclarının qurulması da təsir edir. Amma hələ abunəçilərin 48%-i sayğacla təmin edilib. 

“Azərsu” ASC-nin mətbuat xidmətində Turan-a deyiblər ki, 1 aprel 2013-cü il üçün ölkə üzrə 1 milyon 155 min abunəçinin 553 mindən çoxu mexaniki və smart-kart sayğaclarla təmin olunub. 2013-cü ilin yanvar-mart aylarında 10, 8 mini əhali olmaqla ümumilikdə 13 min  smart-kart sayğac quraşdırılıb. 

Dövlət ölkədə su təchizatı və kanalizasiya sisteminin inkişafına çoxlu investisiya qoyur. Bu ilin 3 ayında investisiya həcmi 204,9 mln manat olub. Bu, 2012-ci ilin eyni dövründəkindən  20 dəfə çoxdur. 08B