AXCP fəalı İstintaq Təcridxanasında aclığı bərpa edib
AXCP fəalı İstintaq Təcridxanasında aclığı bərpa edib
Xalq Cəbhəsi Partiyasının fəalı Elnur Həsənov İstintaq Təcridxanasında quru aclığı bərpa edib. O, bu barədə mayın 30-da Xətai Rayon Məhkəməsində onun rayon prokurorluğuna qarşı verdiyi şikayətə baxılması zamanı bildirib.
Şikayət prokurorluğun Həsənovun saxlanıldıqdan sonra polis bölməsində işgəncələrə məruz qalması haqqında bəyanatına əsasən cinayət işi açmaqdan imtina etməsi ilə əlaqədar verilib.
Vəkil Nemət Kərimli Turan-a bildirib ki, Həsənov prezidentin fərmanı ilə əfv olunmamasına etiraz edir və azad olunmasını tələb edir.
Xətai Rayon Məhkəməsi fəalın şikayətini təmin etməyib.
Vəkilin sözlərinə görə, Həsənov çox pis görünürdü və taqətdən düşmüşdü.
Aprel ayında Həsənov 8 gün quru aclıq edib və Bakı Ağır Cinayətlər Məhkəməsində işinə obyektiv baxılacağı haqqında vədlərdən sonra aclığı dayandırıb.
Vəkil qeyd edib ki, mayın 31-də məhkəmənin Həsənovun işi üzrə növbəti iclası keçiriləcək.
* Elnur Həsənov 28 noyabr 2023-cü il tarixində qanunsuz narkotik dövriyyəsi (CM-in 234.4.3-cü maddəsi) ittihamı ilə həbs olunub. Fəal hesab edir ki, həbsinin əsl səbəbi Yol Polisi rəhbərliyinin hərəkətlərini tənqid etməsidir. Həsənov aprelin 18-də o, aclıq elan edib, aprelin 25-də aclığı dayandırıb.
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz