AXCP fəalı məhkəməyə aparılarkən fiziki təzyiqə məruz qalıb
Martın 12-də Bakının Xətai Rayon Məhkəməsində Xalq Cəbhəsi Partiyasının fəalı Elnur Həsənov barəsində qətimkan tədbirinin dəyişdirilməsi və onun ev dustaqlığına keçirilməsi haqqında vəsatətə baxılıb.
Məhkəmə vəsatəti təmin etməyib. Eyni zamanda, fəal məhkəməyə aparılarkən mühafizəçilər tərəfindən fiziki təzyiqə məruz qalıb, bu barədə AXCP-dən bildiriblər.
Həsənovun əlləri arxadan qandallanıb, məhkəmə zalına isə yalnız bir nəfər - Ədliyyə Nazirliyinin nümayəndəsi buraxılıb. Müdafiə tərəfi bunu qanun pozuntusu hesab edib. Məhkəmənin qərarından apellyasiya şikayəti veriləcək. Penitensiar Xidmətdən şərh almaq mümkün olmayıb.
* Elnur Həsənov 28 noyabr 2023-cü il tarixində narkotik vasitələrin qanunsuz dövriyyəsi (CM-in 234.4.3-cü mad.) ittihamı ilə həbs olunub. Fəal hesab edir ki, həbsinin əsl səbəbi Yol Polisi rəhbərliyinin hərəkətlərini tənqid etməsidir. Fevralın 24-də məhkəmə Həsənovun həbs müddətini 1 ay uzadıb.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz