![AXCP fəalı Mehman Əliyev İstintaq Təcridxanasında aclıq elan edib](https://turan.az/resized/news/2024/VY1OwCskIO8ZVuAgbhzWf42s5WGOPyiy2Ahlkyzg-750-500-resize.webp)
AXCP fəalı Mehman Əliyev İstintaq Təcridxanasında aclıq elan edib
AXCP fəalı Mehman Əliyev İstintaq Təcridxanasında aclıq elan edib
Müxalif Xalq Cəbhəsi Partiyasının üzvü, narkotik vasitələrin qanunsuz dövriyyəsində ittiham olunaraq həbs olunmuş Mehman Əliyev İstintaq Təcridxanasında aclıq elan edib. O, saxlanılarkən işgəncələrə məruz qalmasına və əsassız cinayət təqibinə etiraz edir.
İyunun 4-də vəlkil Fəxrəddin Mehdiyev 1 saylı Bakı İstintaq Təcridxanasında Əliyevə baş çəkib.
Onun sözlərinə görə, Əliyev hələ mayın 1-də aclığa başlayıb. O, bu barədə iyunun 4-də ailə üzvləri ilə telefon danışığı zamanı bildirib.
Fəalın atası Aydın Əliyevin verdiyi məlumata görə, oğlu saxlanıldıqdan sonra polis bölməsində döyüldüyünü bildirib. Ata həmçinin ailə üzvlərinin Mehmanla görüşünə icazə verilmədiyini qeyd edib.
Vəkil bu qadağanı "qanunsuz və əsassız" adlandırıb və müvəkkilinə qarşı işgəncələrlə bağlı prokurorluğa ərizə verib.
Öz növbəsində, Penitensiar Xidmətdən bildiriblər ki, Əliyev İstintaq Təcridxanasının rəhbərliyini aclıq etdiyi haqqında rəsmi qaydada məlumatlandırmayıb, qohumları ilə görüşünə isə müstəntiq qadağa qoyub.
Fəalın atası oğlunun narkotiklərlə hər-hansı əlaqəsinin olduğunu inkar edir. Onun sözlərinə görə, həbsin əsl səbəbi onun mayın 22-də Şirvanda qohumu Əli İsayevin saxlanılması cəhdinin videogörüntülərini yaymasıdır.
Bu videoda mülki geyimli polislərin İsayevi maşına mindirməyə çalışdığı, İsayevin isə ona böhtan atmaq istədiklərini qışqıraraq qollarını kəsdiyi əksini tapıb.
"Oğlum bu hadisənin şahidi olub və çəkiliş aparmağa başlayıb, sonra isə videogörüntüləri yayıb. Buna görə də onu narkotik vasitələri yaymaqda ittiham ediblər", deyə məhbusun atası bildirib.
Mehman Əliyev CM-in 234.4.3-cü (külli miqdarda narkotik vasitələrin qanunsuz dövriyyəsi) maddəsi ilə ittiham olunub. Bu maddə ilə 5 ildən 12 ilədək azadlıqdan məhrumetmə cəzası nəzərdə tutulur.
* Mayın 24-də DİN bir müddət əvvəl Şirvan şəhərində saxlanılmasına cəhd edilərkən özünü yaralayan şəxsin saxlanıldığı haqqında məlumat yayıb. Onunla birlikdə daha bir nəfər saxlanılıb. Bu, 1987-ci il təvəllüdlü Əli İsayev və 1983-cü il təvəllüdlü Mehman Əliyevdir.
DİN-in versiyasına görə, onların üzərində külli miqdarda heroin aşkar edilib və götürülüb.
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz