Yanvarın 13-də Lənkəran Ağır Cinayətlər Məhkəməsində Azərbaycan Xalq Cəbhəsi Partiyasının (AXCP) fəalı Murad Adilovun işi üzrə hazırlıq iclası keçirilib. O, narkotik maddə alverində ittiham olunur.
İclas zamanı M.Adilovun vəkili Yalçın İmanov fəalın həbsdə saxlanmasının qanunsuz olmasının tanınması barədə vəsatət qaldırıb. Y.İmanov Turan-ın müxbirinə bildirib ki, M.Adilovun barəsində həbs qətimkan tədbirinin müddəti iki gün əvvəl bitib və onun həbsdə saxlanması qanunsuzdur.
Müdafiə tərəfi M.Adiolvun günahına hüquqi baxımdan əsaslı sübut olmadığından cinayət icraatının dayandırılması, həmçinin müdafiə tərəfin şahidlərinin dindirilməsi barədə vəsatət qaldırıb. Lakin hakim yalnız sonuncu vəsatəti təmin edərək növbəti iclası yanvarın 22-nə təyin edib.
Murad Adilov avqustun 11-də Sabirabad rayonunda həbs olunub. O, “Azadlıq” qəzetinin əməkdaşı və AXCP liderinin mətbuat katibi Natiq Adilovun qardaşıdır. Təzyiq və təqiblərə görə N.Adilov qardaşının həbsindən sonra Azərbaycanı tərk etməli olub.—06D--
Siyasət
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
-
Azərbaycan prezidenti İlham Əliyevin 6 fevral tarixli sərəncamı ilə Sahil Babayev əmək və əhalinin sosial müdafiəsi naziri vəzifəsindən azad edilib.
Rəy yaz