AXCP sədri Əli Kərimlinin mühafizəçisi Bəhruz Həsənov bu gün günorta mülki geyimli şəxslər tərəfindən saxlanılıb. AXCP-dən Turana verilən məlumata görə, Həsənov Suraxanı rayon 33-cü polis bölməsinə aparılıb. 33-cü bölmədə onun saxlandığını təsdiq etsələr də, səbəbini açıqlamayıblar.
Öz növbəsində, DİN-in mətbuat xidmətindən Turana bildiriblər ki, Həsənov vətəndaş Nazim Əliyevi döydüyü və təhqir etdiyi üçün Əliyevin şikayəti əsasında saxlanılıb, araşdırma aparılır. Həsənovun müxalifətə mənsub olduğu üçün saxlanması barədə iddialar əsassızdır, deyə mənbə bildirib.
Lakin AXCP lideri Əli Kərimli əmindir ki, Həsənovun saxlanması onun özünə təzyiq kampaniyasının bir hissəsidir.
Bəhruz Həsənov keçmiş “vicdan məhbusu” Babək Həsənovun qardaşıdır və könüllü olaraq AXCP liderinin mühafizəsi ilə məşğul olur. -06D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz