“Doktrina” Jurnalistlərin Hərbi Araşdırma Mərkəzi (JHAM) çərşənbə axşamı öz ofisində terrora qarşı mübarizədə vətəndaş cəmiyyəti institutlarının roluna dair dəyirmi masa keçirib.
Buna qədərsə qurum bir ay öncə terrora qarşı mübarizədə qanunvericilik bazası ilə bağlı dəyirmi masa keçirmişdi.
Ekspert Daşdəmir Əliyev müasir dövrdə terrora qarşı mübarizədə QHT və medianın rolunun artdığını deyib. Terrora qarşı mübarizədə vətəndaşların fəallığı üçün cəmiyyətin maarifləndirilməsi xüsusi qeyd edilib. Vətəndaşın terror, terrordan müdafiə olunmaq sahəsində ilkin biliklərə yiyələnməsi şərt olaraq göstərilib. Bununla yanaşı, terrora qarşı mübarizədə vətəndaş cəmiyyəti və rəsmi qurumların əməkdaşlığının zəruriliyi də nəzərə çatdırılıb. Daha effektiv mübarizə üçün cəmiyyətdə terrora vahid baxış formalaşdırılması qeyd olunub. Daha sonra ABŞ-da vətəndaş cəmiyyəti və rəsmi qurumların terrora qarşı mübarizə təcrübəsi, media ilə QHT və dövlət qurumlarının birgə fəaliyyət təcrübəsi haqda məlumat verilib.
Daha qızğın müzakirə terrora qarşı mübarizdə avtoritar və demokratik rejimlərin mövqeyilə bağlı olub. Belə ki, demokratik ölkələrdə terrora qarşı mübarizə insan haqlarını məhdudlaşdırmadığı halda, avtoritar ölkələrdə rejimin bundan söz azadlığını məhdudlaşdırmaq üsulu kimi istifadə etdiyi deyilib. 2009-cu ildə Neft Akademiyasında baş verən teraktda media mənsublarının iki saata yaxın informasiya ala bilməməsi nəzərə çatdırılıb. İqtidarın bu teraktın motivi, səbəbi haqda bu günə kimi əhaliyə hər-hansı bilgi verməməsinə diqqət çəkilib. Natiqlər terrora qarşı mübarizədə hər ölkənin öz mexanizmini yaratması təklifi səsləndirilib.
Həm də terrorun qarşısını almaq üçün rəsmi qurumlara “sağlam xəbərçilik” təklifi səsləndirilib. Hərbi ekspert İldırım Məmmədov qeyd edib ki, belə xəbəri güc strukturlarına verən şəxsi o qədər sorğu-suala çəkirlər ki, vətəndaş artıq daha belə addım atmaq istəmir. Terrora qarşı mübarizədə vətəndaş-rəsmi qurumlar birliyinə nail olmağın əsas şərti kimi isə hakimiyyətin insana vətəndaş olmaq şəraiti yaratmalı olması göstərilib. Bəzi dövlətlərdə isə terrora qarşı mübarizə adından rejimlərin öz rəqiblərinə qarşı istifadə etdiyi nəzərə çatdırılıb. Çox zaman belə rejimlərin həbsə aldıqları rəqiblərinə terror, dövlətə xəyanət, narkotik alveri ittihamı yapışdırmaqla, onları ictimai dəstəkdən məhrum etmək niyyəti olduğu deyilib.
Natiqlər qeyd ediblər ki, müzakirələrin yekunu olaraq səslənən təklifləri paket halına salaraq rəsmi qurumlara göndərmək niyyətindədirlər və onların terrora qarşı mübarizədə istifadə olunmasını nəzərdə tuturlar. -05C-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz