Arxiv
AXCP üzvünün işgəncələrə məruz qaldığı bildirilir
Bakl/29.04.20/Turan: Azərbaycan Xalq Cəbhəsi Partiyasının üzvü, ictimai əsaslarla partiya sədri Əli Kərimlinin mühavizəçisi Niyaməddin Əhmədovun işgəncələrə məruz qaldığı bildirilir.
Bu barədə Turana AXCP-dən məlumat verilib. Məlumata görə, aprelin 16-da inzibati qaydada həbs olunmuş Əhmədov dünən, aprelin 28-də səhər saat 11 radələrində saxlandığı Daxili İşlər Nazirliyinin (DİN) İnzibati Həbs Olunanların Saxlanma Məntəqəsindən başına torba salınaraq naməlum ünvana aparılıb. "Niyaməddin Əhmədov özü yaxınlarına məlumat ötürüb ki, onu harasa aparıb küçə söyüşləri ilə müşayiət olunan işgəncələrə məruz qoyublar. Ondan tələb olunmuşdur ki, Əli Kərimlidən pul aldığı haqda ifadə versin.Təxminən saat 23:00-da istədiklərinə nail olmadıqlarını görüb onu Saxlanma Məntəqəsinə qaytarıblar. Hazırda təkadamlıq kamerada saxlanılır".
Məsələ ilə bağlı Daxili İşlər Nazirliyin mətbuat xidmətinin rəhbəri Ehsan Zahidov Turana məlumatı təkzib edib. Onun sözlərinə görə, məlumat uydurma xarakterlidir.
Aprelin 16-da Azərbaycan Xalq Cəbhəsi Partiyasının üzvü Niyaməddin Əhmədov Xətai Rayon Məhkəməsinin qərarı ilə İnzibati Xətalar Məcəlləsinin 211-ci və 535-ci maddələri üzrə inzibati qaydada 30 sutka müddətinə həbs olundu.
Əhmədov aprelin 15-də evdən çıxarkən polis tərəfindən saxlanılıb. Azərbaycan Xalq Cəbhəsi Partiyası onun həbsini partiyaya qarşı təzyiqlər kampaniyası ilə əlaqələndirir. -0-
-
- Cəmiyyət
- 29 Aprel 2020 19:47
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz