Ayətüllahul-uzma Hüseyn Nuri Həmədani Bakıya gəlir

İranın tanınmış din xadimi, Ayətüllahul-üzma Şeyx Hüseyn Nuri Həmədani Qafqaz Müsəlmanları İdarəsinin (QMİ) dəvəti ilə avqustun 31-də Azərbaycana səfərə gəlib.

Səfər sentyabrın 4-nə kimi davam edəcək. Din xadiminin səfərinin Azərbaycan və İran arasında dini-mənəvi əlaqələrin inkişafına töhfə olacağı kimi dəyərləndirilir. Səfər çərçivəsində H.Həmədaninin Bakı şəhərində, Şamaxı və Gəncədə bir sıra görüşləri nəzərdə tutulur. 

Səfər proqramı çərçivəsində H.Həmədaninin avqustun 31-də Şəhidlər Xiyabanını, “Heydər” və “Bibi-Heybət” məscidlərini ziyarət edəcəyi gözlənilir. Sentyabrın 1-də qonaq “Təzə Pir” məscidini ziyarət edəcək, namaz qılacaq, konfrans zalında toplantı keçirəcək. Həmçinin mərasim zalında ziyafət veriləcək.    

Sentyabrın 2-də Şamaxıda “Cümə” məscidini, daha sonra Gəncədə Nizami məqbərəsini, “Şah Abbas” məscidini ziyarət nəzərdə tutulur.

Sentyabrın 3-də H.Həmədani Gəncə “İmamzadə” kompleksilə tanış olacaq, orada namaz qılacaq, şərəfinə ziyafət veriləcək.-05D-