Azərbaycan qazının Türkiyəyə tədarük vaxtı dəqiqləşdirilib

Trans-Anadolu qaz kəmərinin (Trans Anadolu Pipeline, TANAP) tikinti layihəsinin reallaşdırılması üzrə konsorsium 2018-ci ilin sonunda bu boru kəməri ilə ilk qazın tədarükünə başlamağı planlaşdırır, deyə “SOCAR Turkiye Enerji” şirkətinin rəhbəri Kənan Yavuz məlumat verib.

“$10 mlrd. dəyərində bu layihənin reallaşdırılması uğurla davam etdiriləcək. 2018-ci ilin sonuna kimi TANAP qaz kəmərinin Eskişehirə qədər (Türkiyənin qərbində şəhər - red) hissəsinin tikintisini başa çatdırmağı planlaşdırırıq. Bu, Türkiyənin daxili tələbatlarının təminatı məqsədilə “Mərhələ-2” çərçivəsində “Şahdəniz” yatağından Azərbaycan qazının tədarükünə başlamağa imkan verəcək”, - deyə K.Yavuz bildirib.

Onun sözlərinə görə, Azərbatcan qazının Avropaya tədarükünün təminatı məqsədilə TANAP qaz kəmərinin qalan hissəsinin tikintisi daha gec müddətdə başa çatdırılacaq (bu, onunla bağlıdır ki, ТАР qaz kəməri 2020-ci ilin sonuna hazır olacaq, - red).

Qeyd edək ki, TANAP qaz kəməri “Mərhələ-2” çərçvəsində “Şahdəniz” yatağından hasil edilən Azərbaycan qazının Gürcüstan-Türkiyə sərhədindən Türkiyənin qərb sərhədlərinə qədər nəqli üçün nəzərdə tutulub. Qaz kəmərinin ötürmə qabiliyyəti ən azı 16 mlrd kubmetr təşkil edəcəyi ehtimal olunur. Bu həcmin 10 mlrd kubmetri Avropaya, 6 mlrd kubmetri Türkiyənin qərb regionlarına göndəriləcək.

TANAP layihəsində BOTAS - 30%. SOCAR 58%, BP - 12% paya malikdir.

SOCAR maliyyə yükünü azaltmaq üçün payının 7%-i  SOCAR Turkey Energy-yə satmaq istəyir. –12В--