Bakı/01.07.19/Turan: Avropa İnsan Hüquqları Məhkəməsinin (AIHM) qərarları ilə təyin olunmuş kompensasiya hökümət tərəfindən ərizəçilərə ya ödənilmir, ya da hissə-hissə ödənilir. Bunu Turan-a vəkil Əsabəli Mustafayev bildirib.
Onun sözlərinə görə, bu neqativ tendensiya 2017-ci ildən başlayıb və hələ də həllini tapmayıb. Vəkil qeyd edib ki, 2016-cı ildə hökumət Avropa məhkəməsinin Azərbaycanla bağlı qəbul etdiyi bir sıra qərarlar üzrə təxminən 25 ərizəçiyə kompensasiyanı hələ də ödəməyib.
"Bu ərizəçilərin bir hissəsinə kompensasiya, ümumiyyətlə, ödənilməyib, bir hissəsinə isə qismən ödənilib", - o deyib. Onun sözlərinə görə, dövlət qurumlarına müraciətlər nəticə vermir.
Vəkil bildirib ki, məsələ ilə bağlı bağlı Avropa Şurası Nazirlər Komitəsinə müraciət edib. "Kompensasiyaların ödənilməsi Avropa Şurasına üzv ölkələrin götürdüyü öhdəliklərdən biridir", - Ə.Mustafayev bildirib.
Demokratik Qüvvələrin Milli Şurasının üzvü Tofiq Yaqublu məlumatı təsdiqləyərək deyib ki, 2016-cı ildə hökümət kompensasinı ödəməyə başlasa da, bu proses sonradan dayandırılıb.
"Düşünürəm ki, hakimiyyət kompensasiyanı qəsdən ödəmir", - o deyib.
T.Yaqublu deyib ki, kompensasiyanın ödənilməməsilə bağlı dəfələrlə Prezident Administrasiyasına müraciət edib. "Dəfələrlə Çingiz Əsgərova (Azərbaycanın Avropa İnsan Hüquqları Məhkəməsi yanında səlahiyyətli nümayəndəsi - red.) məktub yazmışam, amma cavab yoxdur. Avropa Şurası Nazirlər Komitəsinə müraciət edəcəyəm", - T.Yaqublu bildirib.
Azərbaycan rəsmiləri isə məsələ ilə bildirirlər ki, ölkə hökuməti Avropa məhkəməsinin qərarı üzrə bütün kompensasiyaları ödəyir.
Qeyd edək ki, əgər kompensasiya 3 ay müddətində ödənilmirsə, həmin məbləğin üzərinə faiz gəlir.-21B-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz