Bakı/01.07.19/Turan: Azərbaycanın ilk müstəqil teatrı ADO (Azərbaycan Dağınıq Oda) iyunun 23-də Tbilisidə "Azadlıq" metrostansiyasının qarşısında çıxış edib.
Gürcüstan meriyası müraciətdən bir neçə saat sonra buna icazə verib və polisə təhlükəsizliyin təmin olunmasını tapşırıb.
Teatr "Gic-Daban" (Crazy-Heel) tamaşasını və digər əsərlərdən parçalar göstərib.
Teatrın təsisçisi və tamaşanın rejissoru Elmin Bədəlov bildirib ki, bu tamaşa vasitəsilə insanlara azadlığın qeyri- müəyyən bir məhfum olduğu göstərilir. "Teatra maraq oyandırmaq üçün küçədə tamaşa göstərmək qərarına gəldik. Lakin Bakı meriyası və Mədəniyyət Nazirliyi bir ildir ki, küçə tamaşaları ilə bağlı müraciətlərimizi bir-birinin üzərinə atır. Belə ənənə bir çox ölkələrdə var. Ancaq Azərbaycanda əngəl törədilir", - o deyib.
Qeyd edək ki, ADO teatrı ölkənin bölgələrinə səfərlər edir. Teatr Fransa, Gürcüstan, Türkiyə, İtaliya, İran, Belarus, Ukrayna, Rumıniya, Rusiya, Böyük Britaniyada beynəlxalq festivallarda iştirak edib, həmçinin digər ölkələrin artistləri ilə əməkdaşlıq edir.-16D-
Mədəniyyət
-
Azərbaycanda kitabların qiyməti geniş diapazonda dəyişir və adətən 5-25 AZN ($3-$15) arasında olur. Bununla belə, artan yaşayış xərcləri səbəbindən bir çox kitabsevərlər sevdikləri əsərləri əldə etməkdə çətinlik çəkirlər. Nəticədə, ikinci əl kitablar, elektron kitablar və ya xarici ölkələrdən onlayn sifarişlər daha sərfəli alternativlər kimi populyarlaşır.
-
İncəsənət və ekologiyanın birləşdiyi COP29 yaşıl zonasının mərkəzində Azərbaycan cəsarətli bəyanatla çıxış edib. Dünya səslərinin hay-küyü arasında ART Pavilion mədəniyyətin, yaradıcılıq və davamlılığın kəsişməsinə bariz sübutdur. Onun mərkəzində azərbaycanlı rəssam Aida Mahmudova özünün təəssüratoyadıcı Beyond Functionality adlı sərgisini təqdim edib.
-
Mexikoda keçirilən möhtəşəm mərasimdə Danimarkanın kiçik Dunstal şəhərindən olan 21 yaşlı Victoria Kjær Teilvig “Miss Universe” yarışmasının qalibi elan olundu. Bu, Danimarkadan olan iştirakçının bu mötəbər titulu qazandığı ilk haldır.
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
Rəy yaz