Bakı/01.07.19/Turan: Azərbaycanda "Məhkəmə sisteminin səmərəliliyinin və keyfiyyətinin artırılması" adlı yeni layihənin reallaşmasına başlanılıb. Layihənin dəyəri 915 000 avrodur.
Layihənin təqdimatı iyulun 2-də olacaq. Bu barədə Avropa Şurasının Bakı ofisi məlumat verib.
Layihə Avropa İttifaqının və Ədalət Mühakiməsinin Səmərəliliyi üzrə Avropa Komissiyasının (CEPEJ) birgə proqramı çərçivəsində həyata keçirilir.
Layihə Azərbaycanda məhkəmə qərarlarının icrası sisteminin institusional cəhətdən modernləşdirilməsinə, həmçinin icra prosedurlarında iştirak edən qurumların potensialının artırılmasına yönəlib. Layihə 31 avqust 2021-ci ilədək davam edəcək.
Hazırda Azərbaycanda 111 məhkəmədə 600-dək hakim fəaliyyət göstərir. Məhkəmə-hüquq islahatları çərçivəsində hakimlərin sayının 800-dək artırılması nəzərdə tutulur.
Qeyd edək ki, yerli QHT-lər və beynəlxalq təşkilatlar Azərbaycanın məhkəmə-hüquq sistemini, hakimlərin icra hakimiyyətindən asılılığını, onların siyasi motivli hökmlər çıxarmasını tənqid edirlər.-03D-
Siyasət
-
Müsavat Partiyasının fəalı, keçmiş siyasi məhbus Əlikram Xurşidov Şirvan şəhərində, yaşadığı evdə həbs edilib.
-
ABŞ-ın Azərbaycandakı səfirliyinin sözçüsü Erin Robertson Azərbaycan xarici işlər naziri Ceyhun Bayramovun yanvarın 16-da Amerika Beynəlxalq İnkişaf Agentliyinin (USAID) 2024-cü il 1 iyun tarixindən Azərbaycanda fəaliyyət göstərməsinin de-yure mümkün olmaması ilə bağlı bəyanatı barədə Amerikanın Səsinin sorğusuna cavab verib.
-
Azərbaycandakı diplomatik missiyanı başa vuran ABŞ səfiri Mark Libbi yekun çıxış edib. Səfirliyin Facebook səhifəsində dərc olunan çıxışda deyilir:
-
Yanvarın 18-də prezident İlham Əliyev Türkiyənin xarici işlər naziri Hakan Fidanı qəbul edib.
Rəy yaz