Azərbaycan BMT-də islahatlarla bağlı Antonio Quttereşin planını dəstəkləyib
Bakı/02.06.18/Turan: Azərbaycan xarici işlər naziri Elmar Məmmədyarov Nyu-Yorka səfəri çərçivəsində BMT-nin baş katibi Antonio Quttereşlə görüşüb.
Görüşdə A.Quttereş E. Məmmədyarovu Azərbaycan Xalq Cümhuriyyətinin 100 illiyi münasibətilə təbrik edib.
Baş katib BMT və Azərbaycan arasında əməkdaşlığı yüksək qiymətləndirib, Azərbaycanın Dayanıqlı İnkişaf Məqsədlərinin icrasına və mədəniyyətlərarası dialoqun təşviqinə verdiyi dəstək və töhfəni, ilk nöbvədə Bakı prosesi də daxil olmaqla müvəffəqiyyətlə həyata keçirdiyi təşəbbüsləri xüsusilə qeyd edib.
E.Məmmədyarov Azərbaycanın müstəqilliyinin ilk illərində BMT və onun ixtisaslaşmış təşkilatlarının Azərbaycana dəstəyinin, xüsusilə Ermənistanın təcavüzü nəticəsində qaçqın və məcburi köçkün vəziyyətinə düşən vətəndaşlarımızın humanitar problemlərinin həll edilməsi məqsədilə göstərdiyi yardımların yüksək qiymətləndirildiyini bildirib.
Milli səviyyədə Dayanıqlı İnkişaf Məqsədlərinin həyata keçirilməsi barədə məlumat verən nazir ölkəmizdə həyata keçirilən iqtisadi və sosial təmayüllü islahatlar, qeyri-neft sektorunun inkişafı, Azərbaycanın təşəbbüsü və bilavasitə iştirakı ilə həyata keçirilən irimiqyaslı və trans-regional nəqliyyat və enerji layihələri, o cümlədən Şərq-Qərb, Şimal-Cənub, Cənub-Qərb marşrutları və Cənub Qaz Layihəsi barədə danışıb.
O, Azərbaycanın BMT baş katibinin BMT sisteminin islahatı və BMT-nin münaqişələrin qarşısının alınması və həlli məsələlərində rolunun artırılması istiqamətində səylərini dəstəklədiyini nəzərə çatdıraraq, bütün üzv dövlətlər tərəfindən BMT Nizamnaməsi əsasında üzərlərinə düşən öhdəliklərin yerinə yetirilməsinin vacibliyinə diqqəti çəkib.
Ermənistan-Azərbaycan münaqişəsinə toxunan nazir Ermənistanın beynəlxalq hüquqa zidd şəkildə Azərbaycana qarşı gücdən istifadə etdiyini və Azərbaycan ərazilərini işğal altında saxlamaqda davam etdiyini qeyd edərək münaqişənin regional sülhə və regionun hərtərəfli inkişafına ciddi təhdid yaratdığını vurğulayıb. O, BMT Təhlükəsizlik Şurasının müvafiq qətnamələrinin münaqişənin həllinin əsasını təşkil etdiyini deyərək Ermənistan qoşunlarının Azərbaycanın işğal olunmuş ərazilərindən çıxarılması və azərbaycanlı məcburi köçkünlərin öz dogma torpaqlarına qayıtmasının təmin edilməsi üçün beynəlxalq səylərin artırılmasının zəruriliyinə diqqəti çəkib. E.Məmmədyarov BMT baş katibinin davamlı əsasda bəyanatlarla çıxış edərək münaqişənin həlli üzrə substantiv danışıqları dəstəkləməsinin yüksək qiymətləndirildiyini qeyd edib.
Görüşdə tərəflər qarşılıqlı maraq doğuran və BMT-nin gündəliyində duran məsələlər barəsində geniş fikir mübadiləsi aparıblar.06B--
-
- Siyasət
- 2 İyun 2018 12:25
Siyasət
-
Bazar ertəsi Bakı Ağır Cinayətlər Məhkəməsi "Müsəlman Birliyi" Hərəkatının üzvü Həsən Abbaszadəni üç il müddətinə azadlıqdan məhrum edib.
-
Oktyabrın 28-də prezidenti İlham Əliyev Pakistan İslam Respublikası Birləşmiş Qərargah Rəisləri Komitəsinin sədri general Sahir Şamşad Mirzanı qəbul edib.
-
Oktyabrın 28-də Bakıda “Enerji təhlükəsizliyi və iqlim dəyişikliyi üzrə Azərbaycan-NATO əməkdaşlığı” mövzusunda “dəyirmi masa“ keçirilib.
-
Azərbaycan Prezidenti İlham Əliyev Çex Respublikasının Milli Bayramı münasibətilə Çexiya Prezidenti Petr Pavelə təbrik məktubu göndərib. Məktubda Prezident Əliyev öz adından və Azərbaycan xalqı adından səmimi arzularını çatdıraraq Çexiya liderinə və xalqa ən xoş təbriklərini və arzularını ifadə edib.
Rəy yaz