Azərbaycan Ermənistanın sül müqaviləsi ilə bağlı təkliflərinə cavab verəcək - C.Bayramov

Azərbaycan Ermənistanın sül müqaviləsi ilə bağlı təkliflərinə cavab verəcək - C.Bayramov

Yaxın həftələrdə Azərbaycan Ermənistanın sülh müqaviləsi ilə bağlı təkliflərinə cavab verəcək. Bu barədə bu gün jurnalistlərə Azərbaycan XİN başçısı Ceyhun Bayramov bildirib.

Onun sözlərinə görə, yanvarın əvvəllərində Azərbaycan Ermənistandan sülh müqaviləsi ilə bağlı növbəti təkliflər paketini alıb.
Hazırda "Azərbaycan tərəfi prosedura uyğun olaraq bu paket üzərində daxili işini həyata keçirir", deyə o, sözünə davam edib.

Yaxın həftələrdə Azərbaycan tərəfi Ermənistana cavab verəcək, deyə o, əlavə edib.

Bayramovun sözlərinə görə, yaxın günlərdə isə Ermənistan və Azərbaycan arasında sərhədlərin delimitasiyası və demarkasiyası üzrə komissiyaların görüşlərinin keçirilməsi planlaşdırılır. 

Komissiyanın əvvəlki görüşü ötən ilin sonlarında keçirilib.

Nazir həmçinin Azərbaycan-Fransa münasibətlərinə toxunub, hazırda bu münasibətlərin "ən aşağı səviyyədə" olduğunu qeyd edib. Bu vəziyyət "müxtəlif platformalarda" Azərbaycana qarşı qərəzli mövqe nəticəsində yaranıb, deyə Bayramov bildirib. "Biz bizə qarşı bu cür addımları cavabsız qoyacaq ölkə deyilik. Artıq dediyim kimi, Fransa ilk olaraq bizə qarşı addımlar atıb. Fransa öz səhvini başa düşəndə və alternativ addımlar atanda biz də müvafiq şəkildə cavab verəcəyik", deyə nazir bildirib.

Bayramov Avropa Şurası Parlament Assambleyasını (AŞPA) da "qərəzli" olmaqda ittiham edib.

"Biz AŞPA-nın ölkəmizə qarşı qərəzli addımını qətiyyətlə pisləyirik. Azərbaycan nümayəndə heyəti öz mövqeyini bildirib. Mən tamamilə razıyam ki, bizə qarşı bu pis niyyətli addım (Azərbaycan nümayəndə heyətinin səlahiyyətlərinin təsdiq edilməməsi - Turan-ın qeydi)  Azərbaycanın ərazi bütövlüyünü və suverenliyini bərpa etməsi ilə bağlıdır", deyə nazir bildirib.

Onun fikrincə, Azərbaycan nümayəndə heyətinin səlahiyyətlərinin təsdiq edilməsindən imtina haqqında təklif "Avropa Şurasının etibarlılığına və qərəzsizliyinə ciddi zərbə olacaq".

Bayramov hesab edir ki, bu addımın "ciddi və dönülməz nəticələrinə görə məsuliyyət tamamilə onun təşəbbüskarlarının üzərinə düşür".

Rəy yaz

Siyasət

Встреча в Мюнхене, президентские выборы и санкции ПАСЕ: Беседа с британским экспертом Томасом де Ваалом в "Çətin sual"



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti