Açiq mənbələrdən foto.
Bakı/23.08.23/Turan: Bu həftə Gürcüstanda NATO ölkələrinin və “Agile Spirit 2023” tərəfdaşlarının beynəlxalq təlimləri başlayıb. Təlimlərdə 22 ölkədən 3600-a yaxın hərbçi iştirak edir.
Təlimlərdə məqsəd döyüş şəraitində birgə fəaliyyət göstərməkdir. Ssenariyə görə, təlim iştirakçıları Türkiyə ərazisinə hücumu dəf etməlidirlər. İştirakçılar döyüş atışları və hərbi həkimlərin hərəkətlərilə xüsusi təyinatlı qüvvələrin birgə əməliyyatlarını hazırlamalıdırlar.
Təlimlərdə Gürcüstan, ABŞ, Türkiyə, Böyük Britaniya, Azərbaycan, Belçika, Bolqarıstan, Fransa, Almaniya, Yunanıstan, Macarıstan, İtaliya, İordaniya, Latviya, Litva və digər ölkələrin hərbi qulluqçuları iştirak edəcəklər.
Amerika tərəfdən 173-cü hava-desant briqadası, 12-ci hərbi aviasiya briqadası, 48-ci piyada briqadasının döyüş bölməsi və digərləri iştirak edirlər.
Azərbaycanın hansı bölməsinin iştirak etdiyi açıqlanmır.
Gürcüstan Müdafiə Nazirliyinin məlumatına görə, “Agile Spirit 2023” təlimləri Gürcüstan Silahlı Qüvvələri və NATO qüvvələri arasında əməliyyatlar üzrə uyğunluğun artırılmasına yönəlib. Təlimlər sentyabrın 13-də başa çatacaq. 02D
Siyasət
-
Aİ-nin Xarici Əlaqələr və Təhlükəsizlik Xidmətinin rəhbəri Jozep Borrel Azərbaycan rəhbərinin COP29 konfransında Avropa ölkələrinə və şəxsən Borrelə qarşı səsləndirdiyi ittihamları rədd edib.
-
Cümə axşamı prezident İlham Əliyev COP29 iqlim konfransında iştirak etmək üçün Bakıya gələn Avropa Şurasının Baş katibi Alen Berseni qəbul edib.
-
Noyabrın 14-də Avropa İnsan Hüquqları Məhkəməsi (AİHM) Azərbaycanla bağlı qərarları açıqlayıb. Qərarlara görə, Azərbaycan höküməti təqribən 40 min avro cərimə ödəməlidir.
-
Noyabrın 14-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda bir qrup fəal Rusiyanın Ukraynaya qarşı müharibəsinə etiraz olaraq aksiya keçirib.
Rəy yaz